Qazaqstan-qyrǵyz shekarasynda «Qarasý» jáne «Aısha bıbi» ótkizý pýnktterinde temekini zańsyz alyp ótýshilerdiń áreketteri anyqtaldy, dep habarlaıdy aqshamnews.kz.
Mundaı kontrabandalyq taýar alyp ótý áreketterin 26 qyrkúıekte memlekettik kirister organdary men UQK Shekara qyzmetiniń qyzmetkerleri ustady.
Ádettegideı jumys kúninde «Qarasý» ótkizý pýnktine bolgar buryshyn tasymaldaýshy refrejeratory bar júk kóligi keledi. Alaıda tekserý júrgizgende kólikke jasyrylǵan temeki tabylady. Osylaısha «Oris», «Parlament», «Zumerret» markaly jarıalanbaǵan 180 myńnan astam qorap temeki tabylǵan.
Dál sol kúni, «Aısha bıbi» ótkizý pýnktinde burshaq artqan kólikten jarıalanbaǵan 15 myń qorap «Oris» temekisi anyqtaldy.
Barlyq temeki ónimderinde aksızdeletin ónim úshin kózdelgen sáıkestendirý quraldary joq. İs júrgizý sheshimin qabyldaý úshin barlyq materıaldar Jambyl oblysy boıynsha Ekonomıkalyq tergeý departamentine tapsyrylatyn bolady.