Maýsym aıynda Qazaqstan ulttyq quramasy ÝEFA Ulttar lıgasynyń 2022/23 jylǵy jańa maýsymyn bastaıdy.
Jerebe qorytyndysy boıynsha qazaqstandyqtar Slovakıa, Ázerbaıjan jáne Belarýs komandalary qarsylas bolatyn 3 «S» dıvızıonynyń tobyna tústi, dep habarlaıdy Almaty-akshamy.kz Elorda.info saıtyna silteme jasap.
2022 jylǵy fýtbol kúntizbesiniń ereksheligine baılanysty bizdiń qurama maýsym aıynda tórt mach ótkizedi – ekeýi óz elimizde jáne ekeýi syrt alańda.
Sonymen, 3 maýsymda Qazaqstan Ulttar lıgasyn Ázerbaıjan quramasyna qarsy machpen óz elimizde bastaıdy. Oıyn elorda ýaqytymen 20:00-de «Astana Arena» stadıonynda ótedi.
Úsh kúnnen keıin bizdiń komanda syrt alańda Slovakıamen oınaıdy. Mach Trnava qalasyndaǵy «Anton Malatınskıı» stadıonynda ótedi. Kezdesý Nur-Sultan ýaqytymen 6 maýsymnan 7 maýsymǵa qaraǵan túni saǵat 00:45-te bastalady.
10 maýsym kúni qazaqstandyqtar úshinshi machyn Belarýs quramasyna qarsy ótkizedi. ÝEFA Atqarý komıtetiniń sheshimimen oıyn beıtarap aýmaqta Serbıanyń Novı-Sad qalasyndaǵy «Karadjorje» stadıonynda ótedi. Ókinishke qaraı, stadıonnan oıyndy tamashalaýǵa jankúıerlerge tyıym salynǵan. Mach Nur-Sultan ýaqytymen 10 maýsymnan 11 maýsymǵa qaraǵan túni saǵat 00:45-te bastalady.
13 maýsymda bizdiń komanda Ulttar lıgasynyń toptyq kezeńiniń maýsym kezeńin Slovakıaǵa qarsy úıdegi kezdesýimen aıaqtaıdy. Mach elorda ýaqytymen 20:00-de «Astana Arenada» bastalady.
Ulttar lıgasynyń toptyq kezeńiniń qorytyndy oıyndary kúzde bolmaq. 22 qyrkúıekte Qazaqstan quramasy Belarýs quramasyn qabyldaıdy, al úsh kúnnen keıin bizdiń komanda syrt alańda Ázirbaıjan quramasyna qarsy oınaıdy.
Qazaqstan quramasynyń barlyq machtaryn Qazsport telearnasy tikeleı efırde kórsetedi.
Fýtboldan ÝEFA Ulttar lıgasyndaǵy Qazaqstan quramasynyń 2022/23 jylǵy kúntizbesi:
«S» lıgasy, 3-top
1-týr
03.06.2022
Qazaqstan – Ázerbaıjan 20:00
«Astana Arena», Nur-Sultan.
2-týr
07.06.2022
Slovakıa – Qazaqstan 00:45
«Anton Malatınskıı» stadıony, Trnava, Slovakıa.
3-týr
11.06.2022
Belarýs – Qazaqstan 00:45
«Karadjordje» stadıony, Novı-Sad, Serbıa.
4-týr
13.06.2022
Qazaqstan – Slovakıa 20:00
«Astana Arena», Nur-Sultan.
5-týr
22.09.2022
Qazaqstan – Belarýs 20:00
Ótkizý orny keıin anyqtalady.
6-týr
25.09.2022
Ázerbaıjan – Qazaqstan 22:00
Ótkizý orny keıin anyqtalady.