Kezdesýdi slovenıalyq qurama belsendi bastaǵan edi
Fýtboldan 2024 jylǵy Eýropa chempıonatynyń irikteý satysyndaǵy alǵashqy oıynda Qazaqstan quramasy Slovenıaǵa jol berdi, dep habarlaıdy Almaty-akshamy.kz QazAqparatqa silteme jasap.
Kezdesýdi slovenıalyq qurama belsendi bastaǵan edi. Alǵashqy mınýttarda alań ıeleri qaqpasy mańynda jıi boı kórsetti.
Oǵan qazaqstandyq fýtbolshylar laıyqty qarsylyq kórsetti. Dop qaqpaǵa daryǵan joq.
Esesine alań ıeleri qatarynan Maksım Samorodov 24-mınýtta sol qanattan Ian Vorogovskııdiń áýelete bergen dobyn baspen qaqpaǵa engizdi.
Ekinshi kezeńde slovenıalyq fýtbolshylar tarazy basyn teńestirýge umtyldy.
Nátıjesinde 47-mınýtta Davıd Brekalo kózdegen nysanadan múlt ketken joq. Al 78-mınýtta Jan Vıpotnık Slovenıany alǵa shyǵardy.
Osylaısha Qazaqstan quramasy qarsylasyna 1:2 esebimen jol berdi.
Endi Qazaqstan quramasy aldaǵy oıynyn 26 naýryzda elordada Danıa quramasyna qarsy ótkizedi.
Sondaı-aq, atalǵan topta búgin Danıa - Fınlándıa, San-Marıno - Soltústik Irlandıa quramalary sheberlik baıqasady.
El quramasy qurlyqtyq dodada H tobynda synǵa túsedi. Qarsylastary - Danıa, Slovenıa, Fınlándıa, Soltústik Irlandıa jáne San-Marıno.