Qazaqstan quramasy Ulttar lıgasynyń 3-týry aıasynda syrt alańda Avstrıamen kezdesti, dep habarlaıdy aqshamnews.kz.
Stanıslav Cherchesov oıynǵa kelesi quramdy shyǵardy: Igor Shaskıı – Ian Vorogovskıı, Nýraly Álip, Álibek Qasym, Sultanbek Astanov – Asqat Taǵybergen, Aıbol Ábiken, Baýyrjan Islamhan, Baqtıer Zaınýtdınov – Islam Chesnokov, Aıbar Jaqsylyqov;
Ralf Rangnık alǵashqy mınýttardan bastap kelesi oıynshylar quramyn shyǵardy: Aleksandr Shlager – Gernot Traýner, Stefan Posh, Nıkolas Zaıvald, Aleksandr Prass – Krıstof Baýmgartner, Marsel Zabıtser, Konrad Laımer, Fılıpp Lıenhart, – Romano Shmıd, Djýnıor Adamý.
Birinshi taımda avstrıalyqtar Igor Shaskıı qaqpasyna birneshe qaýipti soqqy jasady. Machtyń 10-mınýtynda Álip pen Taǵybergenniń óreskel qateliginen keıin jasaǵan soqqyny qazaqstandyq qaqpashy qaıtara almady – 1:0.
Alań ıeleri ekinshi taımǵa jetistigin arttyrýdy maqsat etip, birneshe qaýipti múmkindik týdyrdy, onyń biri 53-mınýtta ekinshi golmen aıaqtaldy. Buryshtamadan keıin Lıenhart baspen dál soqqy jasap esepti 2:0 qyldy. Birneshe mınýttan keıin Zabıtser úshinshi goldy soqty.
13 qazanda Qazaqstan Almatyda Slovenıamen kezdesedi.