Qaraǵandy qalasynda Órt sóndirý-qutqarý sporty boıynsha álem chempıonaty ótti.
Qazaqstan quramasy jaýyngerlik qanat jaıýda álem chempıony atandy, dep habarlaıdy Almaty-akshamy.kz QR TJM baspasóz qyzmetine silteme jasap.
Búgin Qaraǵandy qalasynda Órt sóndirý-qutqarý sporty boıynsha álem chempıonaty aıasynda jarystyń sońǵy kezeńi ótti.
9 erler jáne 5 áıelder komandasy jaýyngerlik qanat jaıýdaǵy birinshilik úshin kúresti. Órt sóndirý-qutqarý sportynyń bul komandalyq túri órtke kelgen kezde órt sóndirýshilerdiń is-áreketterin ımıtasıalaıdy. Bul kezeńnin máni - magıstraldyq jeń jelisin tez jáne durys tóseý jáne nysandy sý aǵynymen «zaqymdaý». Nysana ortasyndaǵy tesik arqyly syıymdylyqty on lıtr sý toltyrǵannan keıin zaqymdanǵan bolyp sanalady.
Erler komandalary arasyndaǵy jarys 25,55 sekýnd nátıjesimen Qazaqstan Respýblıkasynyń qurama komandasynyń jeńisimen aıaqtaldy.
2 oryndy 26,85 sekýnd nátıjesimen Cheh Respýblıkasynyń komandasy ıelendi. 3 orynda 27,14 sekýnd nátıjesimen Avstrıa Respýblıkasynyń quramasy.
Tartysty kúres qorytyndysy boıynsha áıelder komandalary arasynda 1 oryndy 26,35 sekýnd nátıjesimen Cheh Respýblıkasynyń komandasy ıelendi. 2-shi orynda 26,67 sekýnd nátıjesimen Belarýs Respýblıkasynyń komandasy. Úshinshi oryndy 27,04 sekýnd nátıjesimen Qazaqstan Respýblıkasynyń komandasy ıelendi.