Jeksenbi kúni Gvıneıa Respýblıkasynda memlekettik tóńkeris jasaýǵa áreket jasalǵany týraly Jeune Afrique jýrnaly óz portalynda jazdy, dep habarlady Almaty-akshamy.kz Baq.kz silteme jasap.
Munyń aldynda Reuters agenttigi qolynda qarýy bar áskerıler Gvıneıa astanasy Konakrıdegi prezıdent saraıynyń aldynda turǵanyn habarlaǵan bolatyn. Prezıdent saraıy ornalasqan Konakrıdiń soltústiginen úkimet kvartalyna deıin qalanyń ońtústigine aparatyn jalǵyz tas joldy jaýyngerler jaýyp tastaǵan. Joǵary laýazymdaǵy sheneýnik agenttikke Gvıneıa prezıdenti Álfa Konde aman ekenin aıtty.
Al buǵan deıin Agence France-Presse jeksenbi kúni Konakrı qalasynyń úkimettik kvartalynda atys bolyp, avtomattan dúrkin dúrkin oq atylǵanyn habarlaǵan bolatyn. Kóptegen sarbaz kóshede júr. Olar ótip bara jatqandardan tez arada úılerine qaıtýdy jáne syrtqa shyqpaýdy talap etýde.