Qorǵanys vedomstvosynyń basshysy general-polkovnık Rýslan Jaqsylyqov Mınskige Ujymdyq qaýipsizdik týraly shart uıymyna múshe memleketter Syrtqy ister mınıstrleri keńesi, Qorǵanys mınıstrleri keńesi, Ujymdyq qaýipsizdik týraly shart uıymy músheleri - memleketter qaýipsizdik keńesteri hatshylary komıtetiniń birlesken otyrysyna qatysý úshin bardy.
Ortalyq ofıserler úıinde eki eldiń qorǵanys mınıstrleri general-polkovnık Rýslan Jaqsylyqov pen general-leıtenant Vıktor Hrenınniń kezdesýi ótti, dep habarlaıdy almaty-akshamy.kz. Onyń qorytyndysy boıynsha Qazaqstan men Belarýs qorǵanys vedomstvolarynyń basshylary qorǵanys mınıstrlikteri arasyndaǵy 2024 jylǵa arnalǵan yntymaqtastyq josparyna qol qoıdy.
General-polkovnık Rýslan Jaqsylyqov áskerı yntymaqtastyq salasyndaǵy Qazaqstan-Belarýs qatynastarynyń deńgeıi artyp kele jatqanyn alǵa tartty.
- Qazaqstan tynyshtyqty jaqtaıtyn memleket retinde beıbitshilikti saqtaýǵa, ári UQSHU-nyń jaýapkershilik aımaǵyndaǵy qaýipsizdikti qamtamasyz etýde birlesken jumystarǵa múddeli, – dep atap ótti ol.
Qazaqstan Qorǵanys mınıstri «Jeńis» monýmentine gúl shoqtaryn qoıý rásimine qatysty.
Osy kúni Belarýs Respýblıkasy áskerı akademıasynyń Qarýly Kúshteri Bas shtabynyń fakúltetinde brıfıń ótkizildi. Onda qazaqstandyq delegasıa oqý ornynyń áskerı kadrlaryn daıarlaý qurylymymen, mindetterimen jáne júıesimen tanysty.
Qorǵanys vedomstvosynyń basshysy general-polkovnık Rýslan Jaqsylyqov Belarýs áskerı akademıasynda oqıtyn qazaqstandyq áskerı qyzmetshilermen de kezdesti. Ol bilim berý baǵdarlamalarynyń mazmunyna, oqý prosesine jáne áskerı qyzmetshiler men olardyń otbasy múshelerine arnalǵan turmystyq jaǵdaılarǵa da nazar aýdardy.