QR Ónerkásip jáne qurylys mınıstri Qanat Sharlapaev Ulybrıtanıanyń memlekettik mınıstri Nýsrat Ganımen mańyzdy mıneraldar salasyndaǵy yntymaqtastyqqa baǵyttalǵan kezdesý ótkizdi.
Bul kezdesý bıylǵy jyly ózara túsinistik týraly Memorandýmǵa qol qoıýmen nyǵaıtylǵan eki el arasyndaǵy jemisti yntymaqtastyqtyń jalǵasy boldy, almaty-akshamy.kz.
Memorandým mańyzdy mıneraldar salasyndaǵy strategıalyq áriptestikti óristetýdi kózdeıdi. Belgilengen maqsattarǵa tıimdi qol jetkizý maqsatynda taraptar Jol kartasyn ázirledi. Kezdesýge qatysýshylar osy negizgi qujatqa jaqyn arada qol qoıýǵa bel býyp, osylaısha uzaq merzimdi jáne ózara tıimdi yntymaqtastyqqa degen umtylystaryn nyǵaıtty.
Mınıstr Qanat Sharlapaev óz sózinde Qazaqstan men Ulybrıtanıa arasyndaǵy mańyzdy mıneraldar salasyndaǵy yntymaqtastyqty keńeıtýdiń mańyzdylyǵyn atap ótti. «Biz birlesip jumys isteýdiń orasan zor áleýetin kórip otyrmyz jáne bizdiń seriktestigimiz ekonomıkalyq ósýge ǵana emes, sonymen qatar ozyq tehnologıalardy engizýdiń irgetasy bolýǵa da septigin tıgizedi dep senemiz», - dep atap ótti mınıstr.
Kezdesýde taraptar mańyzdy mıneraldardy barlaý, óńdeý, óndirý salasyndaǵy birlesken jumystardyń keleshegin talqylady. Sonymen qatar, kezdesýge qatysýshylar qaıta óńdeý, mańyzdy mıneraldardy qaıta óńdeý, sondaı-aq elektrondyq qaldyqtar máselelerine nazar aýdardy.