Bul týraly QR Kólik mınıstrliginiń baspasóz qyzmeti málim etti, dep habarlaıdy aqshamnews.kz.
Chıkago konvensıasynyń 13-qosymshasyna sáıkes, tergeý júrgizip jatqan memleket borttyq jazba qurylǵylardyń (qara jáshikterdiń) derekterin oqý men shıfryn ashýdy qamtamasyz etedi jáne bul úshin eldi tańdaýdy ózi sheshedi.
Qazaqstan bul konvensıany 1992 jyly ratıfıkasıalap, Halyqaralyq azamattyq avıasıa uıymynyń (IKAO) múshesi bolyp tabylady.
IKAO usynymdary men Ázirbaıjan jáne Reseı avıasıalyq bılikterimen júrgizilgen konsýltasıalardy eskere otyryp, QR Kólik mınıstri Marat Qarabaev basqaratyn avıasıalyq oqıǵany tergeý komısıasy borttyq jazba qurylǵylardy Brazılıanyń Avıasıalyq oqıǵalardy zertteý jáne aldyn alý ortalyǵyna (CENIPA) jiberý týraly sheshim qabyldady. Bul ortalyq Embraer ushaǵynyń óndirýshi eli bolyp tabylady.
CENIPA qara jáshikterdiń derekterin oqý úshin qajetti tehnıkalyq múmkindikterge ıe, zamanaýı jabdyqtarmen jáne sertıfıkattalǵan zerthanamen qamtamasyz etilgen.
Bul másele Memleket basshysynyń jeke baqylaýynda.