Elimizde qylmystyń kóptegen túrlerin ashý kórsetkishteri jaqsarǵan.
Memleket basshysy Qasym-Jomart Toqaev İshki ister mınıstri Erlan Turǵymbaevty qabyldady, dep habarlaıdy Almaty-akshamy.kz Akorda.kz caıtyna silteme jasap.
Prezıdentke eldegi qazirgi krımınogendik ahýal men ishki ister organdary jumysynyń nátıjeleri týraly baıandaldy.
Erlan Turǵymbaevtyń aıtýynsha, vedomstvo qylmystyń kóptegen túrlerin ashý kórsetkishterin jaqsartqan. Kisi óltirý, tonaý, buzaqylyq, urlyq, sondaı-aq, kámelettik jasqa tolmaǵandar jasaǵan quqyq buzýshylyqtar sany azaıǵan. Qoǵamdyq oryndar men kóshedegi qaýipsizdik deńgeıi joǵarylaǵan. Alaıda, ınternet jelisin paıdalaný arqyly jasalatyn alaıaqtyq qylmystar sany artqan. Buǵan pandemıa kezindegi onlaın-qyzmetterdiń ósýi yqpal etti.
Memleket basshysyna vaksına alǵandyǵy jóninde jalǵan qujattar taratýdyń jolyn kesý boıynsha qabyldanyp jatqan sharalar týraly aıtyldy. Jyl basynan beri polısıa organdary 50 jalǵan vaksınalaý pasporttaryn jáne 60 jalǵan PTR-anyqtamalaryn jasaǵany úshin 110 qylmystyq is qozǵaǵan.
Mınıstr İİM bólimshelerindegi jeke quram qyzmetkerleriniń 96 paıyzy ekpe alǵanyn jetkizdi.
Kezdesý qorytyndysy boıynsha Qasym-Jomart Toqaev mınıstrlikke basqa memlekettik organdarmen birlesip, karantındik sharalardy qamtamasyz etýge erekshe kóńil bólýdi, sondaı-aq, kámeletke tolmaǵandarǵa qarsy qylmystardyń, turmys salasyndaǵy quqyq buzýshylyqtardyń aldyn alý jáne jol qaýipsizdigin qamtamasyz etý jónindegi jumysty jandandyrýdy tapsyrdy.