Qasym-Jomart Toqaev Vladımır Pýtındi Memlekettik Dýma Federaldy Jınalysynyń VIII shaqyrylymyna saılaý naýqanynyń sátti ótýimen quttyqtady.
Memleket basshysy Reseı Federasıasynyń Prezıdenti Vladımır Pýtınmen telefon arqyly sóılesti, dep habarlaıdy Almaty-akshamy.kz
Qazaqstan Prezıdenti saılaý nátıjesi Reseıdiń ishki saıası turaqtylyǵyn nyǵaıtý úshin asa mańyzdy dep esepteıdi.
Sonymen qatar Qasym-Jomart Toqaev Perm memlekettik ulttyq zertteý ýnıversıtetinde bolǵan qandy oqıǵanyń saldarynan adamdardyń qaza bolýyna baılanysty kóńil aıtty.
Áńgimelesý barysynda eki memleket basshysy Qazaqstan men Reseı arasyndaǵy saýda-ekonomıkalyq qatynastardyń qarqyndy damýyn oń baǵalap, Kókshetaýda 30 qyrkúıekte ótetin Óńiraralyq yntymaqtastyq forýmynyń mańyzdylyǵyna jáne onyń mazmundy ári sapaly bolýyna basa nazar aýdardy.