Sonyń arqasynda 2 myń turaqty jumys orny paıda bolady.
2021 jyly óńirlerde mashına jasaý salasymen baılanysy bar 14 jobany iske qosý josparlanǵan, dep habarlaıdy Almaty-akshamy.kz
Qazaqstan mashına jasaýshylarynyń İH forýmynda QR Indýstrıa jáne ınfraqurylymdyq damý vıse-mınıstri Marat Qarabaev osylaı dep málimdedi.
«Elimizde elektrotehnıkalyq mashına jasaý sektory qolǵa alynǵan atap ótken jón. 7 aıdyń qorytyndysy boıynsha, bul sektordaǵy ósim 28%-dy, óndiris kólemi 130 mlrd teńgeni qurady. Óndiristiń ósýine «Qaınar-AKB» JSHS, «Kazsentrelektroprovod» JSHS sıaqty iri oıynshylardyń óndiris kólemin arttyrýy áser etti. Atap aıtqanda, akýmýlátor óndirisi ótken jyldyń sáıkes kezeńimen salystyrǵanda 3 esege ósti. Ónimder Armenıa, Belarýs, Qyrǵyzstan, Reseı, Ázerbaıjan, Tájikstan, Ózbekstan, Ýkraına, Grýzıa jáne Italıaǵa eksporttaldy», - dedi mınıstrdiń orynbasary.
Vıse-mınıstr temir jol mashınasyn jasaý boıynsha 7 aıda óndiris kólemi 150 mlrd teńge bolǵanyn aıtady. Bul byltyrǵy kezeńniń kórsetkishinen 50% joǵary kórinedi. Al aýyl sharýashylyǵy mashınasyn jasaý boıynsha 7 aıda óndiris kólemi 3 ese ósip, shamamen 86 mlrd teńge bolǵan.
«Taý-ken jáne munaı-gaz mashına jasaý kásiporyndary negizinen júıe qurýshy, munaı servıstik kompanıalar men jer qoınaýyn paıdalanýshylardyń qajettilikterin qamtamasyz etýge baǵyttalǵan. 7 aıdyń qorytyndysy boıynsha, eki sektorda da jıyntyq óndiris kólemi 2020 jyldyń sáıkes kezeńimen salystyrǵanda 11% ósip, 51 mlrd teńgeni qurady. 2021 jyly óńirlerde 2 myń jańa jumys ornyn ashatyn, quny 79,6 mlrd teńge bolatyn 14 jobany iske qosýdy josparlap otyr», - dedi Marat Qarabaev.