Biz eki eldi yntymaqtastyq ornatýǵa shaqyramyz.
Memleket basshysy Qasym-Jomart Toqaev Nur Otan partıasynyń kezekten tys sezinde Ýkraınadaǵy jaǵdaıǵa baılanysty pikir bildirdi, dep habarlady Almaty-akshamy.kz Turkystan.kz silteme jasap.
«Bizdiń ustanym Qazaqstannyń qaýipsizdigin qamtamasyz etý turǵysynan qabyldanýy kerek. Biz 2010 jyly EYQU samıtin ótkizgen el retinde birtutastyqty ustanamyz. Birtutastyq ózara túsinýshilik pen kelisimdi qarastyrady. Ókinishke qaraı, Mınsk kelisimi oryndalmaı, Ýkraına men Reseı arasynda qaqtyǵys týyndady. Biz eki eldi yntymaqtastyq ornatýǵa shaqyramyz», – dedi Prezıdent.
Prezıdenttiń aıtýynsha, kelissózder aıasynda ony sheshý kerek. Beıbitshiliksiz eshteńeni júzege asyrý múmkin emes. Qazaqstan bul oraıda barlyq qoldaýdy júzege asyrýǵa daıyn.
«Qazaqstan ekonomıkasy sanksıalarǵa tótep berýge daıyn bolýy kerek. Biz barlyǵymyz bul qıyndyqtardy artta qaldyra alamyz. Osy oraıda partıa da besendilik tanytýy kerek. Kóp jyl boıy únsiz jatqan adamdar qazir jylymyqty paıdalanyp, áleýmettik jelilerde neshe túrli aqparat tarata bastady. Partıa jurtshylyqqa saıasatymyzdy durys tarata alýy kerek. Men úshin eń basty qundylyq – Qazaqstan Táýelsizdigi», – dedi Prezıdent.