Ravıl Iýnýsov: Pandemıa bastalǵaly vırýspen damylsyz kúresken dárigerlerge myń alǵys!
«Assambleıa jastary» birlestigi Shyǵys Qazaqstan oblystyq fılıalynyń jetekshisi Ravıl Iýnýsov Alǵys aıtý kúninde medısına qyzmetkerlerine rızashylyǵyn jetkizdi, dep habarlaıdy Almaty-akshamy.kz QazAqparatqa silteme jasap.
«Medısına qyzmetkerleri koronavırýspen kúreste aldyńǵy shepte júr. Olar pandemıa bastalǵaly beri halyqtyń densaýlyǵy úshin aıanbaı eńbek etýde. Talaı adamnyń janyn ajaldan arashalap qaldy. Dárigerlerdiń osyndaı erlikterin eleýsiz qaldyrýǵa bolmaıdy. Aq halatty abzal jandar qandaı qurmetke de laıyq! Sizderge Alǵys aıtý kúninde shynaıy rızashylyǵymdy jetkizemin», - dedi Ravıl Iýnýsov.
Óz sózinde ol «Assambleıa jastary» birlestigi músheleriniń Óskemen qalasyndaǵy 1-shi qalalyq aýrýhananyń jansaqtaý bólimshesiniń dárigerlerine tosynsyı jasaǵanyn jetkizdi.
«Búgingi merekege oraı medısına qyzmetkerlerine tátti-dámdi salynǵan syılyqtar berdik. Densaýlyq kúzetinde kúni-túni ter tógip, aýyr jumystan sharshaıtyn dárigerlerge qýanysh syılaǵymyz keldi», - dedi birlestiktiń Shyǵys Qazaqstan oblystyq fılıalynyń jetekshisi.