Shanhaı yntymaqtastyǵy uıymyna múshe elder Memleket basshylarynyń keńesine qatysqan Prezıdent Qasym-Jomart Toqaev ekologıa salasyndaǵy ózara baılanystardy nyǵaıtýdy usyndy, dep habarlaıdy Almaty-akshamy.kz Aqordaǵa silteme jasap.
«Ekologıalyq kún tártibin ilgeriletpeı, ornyqty ekonomıkalyq ósimge qol jetkizý jáne qoǵamnyń ál-aýqatyn arttyrý múmkin emes. Ókinishke qaraı, sý tasqyny, qýańshylyq, órt, sýdyń jáne topyraqtyń lastanýy sekildi túrli tabıǵı kataklızmder aıtarlyqtaı kóbeıgenin baıqap otyrmyz. Osy rette Qazaqstan qorshaǵan ortany qorǵaý problemasyn sheshý úshin kúsh biriktirýdi kózdeıdi.
Biz mynadaı mindetterge basa nazar aýdarý qajet dep sanaımyz: SHYU men BUU-nyń Qorshaǵan orta jónindegi baǵdarlamasy arasynda seriktestik baılanys ornatý; Qorshaǵan ortany qorǵaý salasyndaǵy yntymaqtastyq týraly kelisimdi ázirleý; Erekshe qorǵalatyn tabıǵı aýmaqtardy jáne ekologıalyq týrızmdi damytý jónindegi yntymaqtastyq baǵdarlamasyn qabyldaý.
Bul sharalardyń barlyǵyn búgin qabyldanatyn Deklarasıada bekitilgen SHYU-nyń Ekologıa jyly aıasynda uıymdastyrýdy usynamyn», - dedi Prezıdent.