Ýkraınadaǵy jaǵdaılarǵa baılanysty Qazaqstannyń odan ári áleýmettik-ekonomıkalyq damý máseleleri qarastyryldy.
Memleket basshysy Qasym-Jomart Toqaev Qaýipsizdik keńesiniń shuǵyl jıynyn ótkizdi, dep habarlaıdy Almaty-akshamy.kz Aqordanyń baspasóz qyzmetine silteme jasap.
Aqordada Memleket basshysynyń tóraǵalyǵymen Qaýipsizdik keńesiniń shuǵyl jıyny ótti. Onda Ýkraınadaǵy jaǵdaılarǵa baılanysty Qazaqstannyń odan ári áleýmettik-ekonomıkalyq damý máseleleri qarastyryldy.
Prezıdent Premer-Mınıstr Álıhan Smaıylovtyń, Ulttyq Bank tóraǵasy Ǵalymjan Pirmatovtyń, Premer-Mınıstrdiń orynbasary – Syrtqy ister mınıstri Muhtar Tileýberdiniń, Qorǵanys mınıstri Rýslan Jaqsylyqovtyń jáne basqa da vedomstvo basshylarynyń baıandamalaryn tyńdady.
Qasym-Jomart Toqaev áskerı-saıası jáne sanksıalyq teketiresterdiń nátıjesinde ýshyǵýy múmkin halyqaralyq ahýalǵa shuǵyl áreket etý úshin daǵdarysqa qarsy jedel sharalar josparyn qabyldaý qajet ekenin aıtty.
Memleket basshysy yqtımal ekonomıkalyq qaýip pen ózge de qaterlerdiń aldyn alý jóninde birqatar naqty tapsyrma berdi.