Qazaqstan Prezıdenti CRRC Sorporation Limited kompanıasynyń basqarma tóraǵasy ári atqarýshy dırektory Cýn Iýnsaıdy qabyldady
CRRC Sorporation Limited kompanıasynyń basqarma tóraǵasy ári atqarýshy dırektory Cýn Iýnsaımen kezdesý barysynda mashına jasaý jáne temirjol transporty salalaryndaǵy yntymaqtastyq máseleleri talqylandy, dep habarlaıdy almaty-akshamy.kz.
Qasym-Jomart Toqaevqa «Bir beldeý, bir jol» forýmy aıasynda «Qazaqstan temir joly» ulttyq kompanıasy men SRRC arasynda quny 1,3 mıllıard dollar bolatyn yntymaqtastyq týraly kelisimge qol qoıylatyny jaıynda baıandaldy. Atalǵan qujat boıynsha 200 manevrlik jáne magıstraldyq teplovozdar satyp alý, sondaı-aq Qazaqstanda ınjınırıń jáne servıstik qyzmet kórsetý ortalyqtaryn ashý qarastyrylǵan. Prezıdent elimizdiń ozyq tehnologıalardy qoldaný jáne temirjol tehnıkasyna qyzmet kórsetý ortalyqtaryn ashý arqyly lokomotıvter óndirisiniń jergilikti úlesin arttyrýǵa múddeli ekenin atap ótti. Osy oraıda Memleket basshysy Qazaqstannyń negizgi kólik-logıstıkalyq hab ekenin aıtyp, sol arqyly CRRC kompanıasynyń Eýrazıa keńistigi men Eýropa naryqtaryna shyǵa alatynyn jetkizdi. Bul rette Memleket basshysy kompanıanyń osy maqsattarǵa 200 mıllıon dollar ınvestısıa quıý nıetin quptady.
– 20 jyl boıy Sizdiń korporasıańyz elimizben tabysty yntymaqtastyqta jumys istegeni qýantady. Osy jyldar ishinde Qazaqstan kompanıadan 300-ge jýyq jolaýshylar vagony men lokomotıvterdi, sondaı-aq 6 myń júk vagonyn satyp aldy. Qazaqstanda kompanıanyń ónimderi sapaly ekenin kórsetti. Bizdiń seriktestigimizdi jańa deńgeıge kóterýge barlyq múmkindik bar ekenine senimdimin, – dedi Qasym-Jomart Toqaev.
Óz kezeginde Sýn Iýnsaı Qazaqstannyń CRRC kompanıasyna kórsetip jatqan qoldaýy úshin rızashylyǵyn bildirdi. Onyń pikirinshe, kásiporyn Qazaqstan naryǵynda qyzmet etken 20 jyl ishinde ózara tıimdi yntymaqtastyq joǵary deńgeıge kóterilgen. CRRC Corporation Limited korporasıasy álemdegi temirjol transportynyń eń iri óndirýshisi sanalady jáne álemdik lokomotıv óndirisi naryǵynyń shamamen 50 paıyzy Qytaı kompanıasyna tıesili.
