Qazaqstannyń shilde aıyndaǵy mindettemeleri táýligine 1,680 mln barel
Shilde jáne tamyz aılarynda OPEK + elderi táýligine óndiriletin munaı óndirisin 648 myń barelge arttyrady, dep habarlaıdy Almaty-akshamy.kz.
2 maýsymda beınekonferensıa formatynda ótken OPEK+ kelisimine qatysýshy elderdiń mınıstrlik otyrysynda Qazaqstan atynan Energetıka vıse-mınıstri Áset Maǵaýov qatysty.
Otyrys barysynda sáýir aıynda elderdiń kelisim boıynsha mindettemelerin oryndaýy talqylandy.
«Otyrys qorytyndysy boıynsha OPEK+ elderiniń aǵymdaǵy óndirý deńgeıin shilde aıynda táýligine 0,648 mln barelge ulǵaıtýdy jalǵastyrý jáne artyq óndirý ótemaqysy kezeńin 2022 jylǵy jeltoqsanǵa deıin uzartý týraly sheshim qabyldandy»,-delingen QR Energetıka mınıstrligi taratqan habarlamada.
Qazaqstannyń shilde aıyndaǵy mindettemeleri táýligine 1,680 mln bareldi quraıdy.