Komıtet tıisti sharalardy qabyldaıdy.
Qazaqstanda ustazdardyń quqyǵyn qorǵaý maqsatynda arnaıy Telegram chaty iske qosyldy, dep habarlaıdy Almaty-akshamy.kz.
«Oqý-aǵartý mınıstrligi Bilim salasynda sapany qamtamasyz etý komıteti «Pedagogti qorǵaý» (https://t.me/KOKSO_MP) Telegram chatyn iske qosty. Qazirdiń ózinde chatqa 2 myńnan astam adam qosyldy», - delingen Oqý-aǵartý mınıstrliginyń baspasóz qyzmetiniń habarlamasynda.
Bul chatta muǵalimder óz quqyqtarynyń buzylǵany týraly habarlaı alady. Mysaly, mindetten tys fýnksıalarǵa tartý, shamadan tys esep berý jáne t.b. týraly. Telegramdaǵy chatqa kelgen barlyq aqparat tekserilip, Bilim salasynda sapany qamtamasyz etý komıtetiniń jáne aýmaqtyq departamentterdiń mamandary ótinishterge jedel túrde jaýap berip, muǵalimdermen baılanysady.
«Memleket basshysynyń tapsyrmasy boıynsha muǵalimderdiń quqyqtary men múddelerin qorǵaýdy kózdeıtin «Pedagog mártebesi týraly» zań qabyldanǵan bolatyn. Muǵalimder shamadan tys esep berýden bosatyldy. Qazirgi kúni pedagogter kúnine tek eki qujat qana, ıaǵnı synyp jýrnalyn men qysqa merzimdi (sabaq) josparyn toltyrýy kerek. Qujattardyń naqty tizimi bar jáne ony barlyǵy saqtaýy qajet. Mektep ákimshiligi muǵalimderden basqa qujattardy toltyrýdy talap etýge quqyǵy joq. Eger muǵalimderdiń quqyqtaryn buzý anyqtalsa, onda komıtet tıisti sharalardy qabyldaıdy. Sonymen qatar óńirlerde aýmaqtyq departamentter janynan pedagogıkalyq ádep jáne muǵalimderdiń quqyqtaryn qorǵaý jónindegi keńester jumys isteıtinin eske salamyz», - dedi Oqý-aǵartý mınıstrligi Bilim salasynda sapany qamtamasyz etý komıtetiniń tóraǵasy Ernur Dáýenov.