Qosymshany PlayMarket pen AppStore arqyly júkteýge bolady.
Aınalymdaǵy, koleksıalyq jáne ınvestısıalyq monetalardyń elektrondyq katalogy ınteraktıvti prezentasıa túrinde ázirlenip, onda QUB pen Qazaqstan teńge saraıy mamandarynyń jumystary jınaqtalǵan, dep habarlaıdy Almaty-akshamy.kz.
Mobıldi qosymshada shyǵarylǵan barlyq monetanyń taqyryptyq bólimderi sıpattalǵan, beınejazbalar, monetalardyń 3D beınesi, sondaı-aq tolyqtyrylǵan shynaıylyq elementteri qamtylǵan (qosymshadan tolyqtyrylǵan shynaıylyq elementterin kórý úshin IOS júıesi – 15.6 nusqasynan, Android júıesi – 11 nusqasynan tómen bolmaýy shart).
Katalog – Qazaqstannyń nýmızmatıka tarıhyna saıahat jasap qana qoımaı, túrli dáýirler men kezeńderdegi sáýlet jáne mádenı eskertkishterden, mańyzdy tarıhı oqıǵalar men onyń baı mádenıetinen, dástúrinen syr shertip, qazaq halqynyń kórnekti qaıratkerleri jaıynda qundy derekter usynady.
Qosymshada ózińniń jeke elektrondyq bazańdy (koleksıany) jasaýǵa múmkindik beretin qoldanýshy opsıasy da qarastyrylǵan. Koleksıalyq monetalar burynǵysha QUB-tyń ınternet-dúkeni arqyly satylady.
Ulttyq Bank koleksıalyq monetalardy shyǵarý arqyly Qazaqstandy, tumsa tabıǵattyń sulýlyǵyn, dástúrin, baı tarıhyn tanystyrady. Moneta óndirisiniń joǵary deńgeıi men mamandardyń kásibı sheberligin pash etedi.
Qazaqstan teńge saraıy halyqaralyq naryqta ozyq óndiris standarttary bar koleksıalyq monetalardy úzdik óndirýshilerdiń biri sanalady. 2000 jyldan bastap Qazaqstan monetalary daıyndaý sapasy, dızaıny men tehnologıa salasyndaǵy jańashyldyǵy úshin halyqaralyq nomınasıalar men baıqaýlarda 23 nagradamen marapattaldy.