Qasym-Jomart Toqaev Ashhabadqa memlekettik sapary barysynda Túrikmenstan Prezıdenti Gýrbangýly Berdimuhamedovpen kelissóz júrgizdi
Kelissózge deıin Táýelsizdik alańynda saltanatty túrde resmı qarsy alý sharasy ótti, dep habarlaıdy Almaty-akshamy.kz QazAqparat saıtyna silteme jasap
Qurmet qaraýylynyń bastyǵy eki el basshylaryna raport berip, Qazaqstan men Túrikmenstannyń ánurandary shyrqalǵannan keıin Qasym-Jomart Toqaev pen Gýrbangýly Berdimuhamedov bir-birine resmı delegasıalardyń quramyn tanystyrdy. Saltanatty rásimnen keıin shaǵyn quramda kezdesý boldy.
Memleketter basshylary saıası, saýda-ekonomıkalyq, kólik-tranzıt jáne mádenı-gýmanıtarlyq salalardy keńeıtýge erekshe kóńil bóle otyryp, qazaq-túrikmen strategıalyq seriktestiginiń aýqymdy máselelerin talqylady. Sonymen qatar jahandyq jáne aımaqtyq kún tártibindegi problemalar qarastyryldy.
Qazaqstan Prezıdenti baýyrlas Túrikmenstanǵa memlekettik saparmen kelýge shaqyrǵany úshin Gýrbangýly Berdimuhamedovke rızashylyǵyn bildirdi.