Dımash Qudaıbergen, Aıgúl Úlkenbaeva, Temirlan Beısembaı sıaqty mádenıet qaıratkerleri óner kórsetti.
Qasym-Jomart Toqaev pen Emomalı Rahmon Qazaqstannyń Tájikstandaǵy mádenıet kúnderine arnalǵan saltanatty konsertti tamashalady, dep habarlaıdy aqshamnews.kz Aqordaǵa silteme jasap.
«Kohı Borbad» saraıynda ótken gala-konsertte Qazaqstan men Tájikstannyń óner maıtalmandary, sonyń ishinde Astana ballet balet trýppasy men sımfonıalyq orkestri, «Astana Opera» Memlekettik opera jáne balet teatrynyń hory, Hassak etno-folk toby jáne taǵy da basqa shyǵarmashylyq ujymdar óner kórsetti.
Sahnada qos halyqtyń tanymal mýzykalyq shyǵarmalary men álemdik klasıka repertýarynan úzindiler oryndalyp, horeografıalyq kompozısıalar usynyldy.
Baýyrlas tájik halqy Dımash Qudaıbergen, Aıgúl Úlkenbaeva, Temirlan Beısembaı (Ratovich), «El Voice» toby, Farýh Tohtamýratov (Adam) sıaqty mádenıet qaıratkerleriniń ónerin tamashalady.
Qazaqstannyń mádenıet kúnderi aıasynda Dýshanbe, Hýdjand jáne Bohtar qalalarynda mádenıetaralyq baılanystardy keńeıtýdi kózdeıtin birqatar mańyzdy is-shara ótedi.