Qazaqstan Respýblıkasy Syrtqy ister mınıstrliginde QR Syrtqy ister mınıstriniń orynbasary Álibek Baqaev pen Shrı-Lanka Syrtqy ister mınıstriniń birinshi orynbasary Arýnı Vıdjevardane hanymnyń tóraǵalyǵymen Qazaqstan-SHrı-Lanka saıası konsýltasıalarynyń ekinshi raýndy ótti.
Kelissózder barysynda taraptar ekijaqty yntymaqtastyqty damytýdyń keń aýqymdy máselelerin talqylap, halyqaralyq jáne óńirlik kún tártibindegi ózekti máseleler boıynsha pikir almasty, dep habarlaıdy Almaty-akshamy.kz
Suhbattasýshylar saıası, saýda-ekonomıkalyq jáne mádenı-gýmanıtarlyq salalardaǵy qarym-qatynastardy ári qaraı damytýǵa ortaq nıetterin rastady.
Saıası baılanystardy kúsheıtý qajettigin atap ótip, taraptar aǵymdaǵy jyly joǵary jáne joǵarǵy deńgeıdegi ekijaqty saparlardy uıymdastyrýǵa qatysty pikir almasty. Shrı-Lanka tarapy jaqyn arada Astana qalasynda óziniń dıplomatıalyq mısıasyn ashý nıetin habarlady.
Kezdesýdiń qorytyndysy boıynsha taraptar syrtqy saıası vedomstvolar arasyndaǵy tyǵyz dıalogty jalǵastyrýǵa kelisip, ekijaqty konsýltasıalardy turaqty túrde ótkizý qajettigin atap ótti.