Búgin QS World University Rankings by Subject 2024 bedeldi halyqaralyq reıtıńiniń nátıjeleri jarıalandy, onyń nátıjeleri boıynsha Abaı atyndaǵy QazUPÝ 7 pán boıynsha álemniń úzdik ýnıversıtetteriniń qataryna endi, dep habarlaıdy Almaty-akshamy.kz.
Osylaısha, ýnıversıtet jetistikter enshisine taǵy 4 bilim berý baǵdarlamasy qosyldy, árıne, bul - joǵary bilimniń álemdik arenasyndaǵy úlken jetistik jáne moıyndalý bolyp tabylady.
Búkil álem boıynsha pándik reıtıńterdiń tanymaldylyǵynyń ósýine mamandaný, sapany qamtamasyz etýge suranys, jahandyq básekelestiktiń artýy, jumysqa ornalasý múmkindikteri, ashyqtyq pen qoljetimdilik syndy sebepterin atap óte alamyz.
Bıylǵy reıtıńte álemniń 1500-den astam ýnıversıteti men 96 jerinen kelgen stýdentterdiń bes keń pándik sanatyna toptastyrylǵan 16 400-den astam ýnıversıtet baǵdarlamalarynyń tıimdiligine táýelsiz salystyrmaly taldaý qamtamasyz etildi.
Qazaqstannyń 119 joǵary oqý ornynan pándik reıtıńke 8 joǵary oqý orny qatysyp, 57 baǵdarlamaǵa taldaý jasaldy, olardyń 17-si óz ornyn jaqsartsa, 7-ýi tómendedi, 13-i óz ornyn saqtap qalyp, al 20-sy reıtıńke alǵash ret endi.
Abaı atyndaǵy QazUPÝ dástúrli túrde eń jaqsy nátıjeni «Áleýmettik ǵylymdar jáne menedjment» (Social sciences & Management) sanatynda «Bilim jáne oqytý» (Education&Training) pándik salasy boıynsha kórsetti - 54 oryn (Qazaqstan boıynsha 1 oryn), bul ótken jylǵy nátıjeden 22 upaıǵa joǵary! Al bul Qazaqstandaǵy pedagogıkalyq bilim berý kóshbasshysynyń mısıasy oryndalatyndyǵyn taǵy bir dáleldedi. Bul sanat boıynsha alǵash ret «Quqyqtaný» páni qatarǵa endi - 301-350 oryn (Qazaqstan boıynsha 3 oryn).
5 reıtıń sanatynyń ishinde ýnıversıtet ótken jylǵydaı taǵy da «Óner jáne gýmanıtarlyq ǵylymdar» (Arts & Humanities) sanatynda belgilendi - álemdik reıtıńte 351-shi oryn. Atalǵan sanatta úzdik 100-ge engen «Aǵylshyn tili jáne ádebıeti» (English Language & Literature) páni boıynsha taǵy da úzdik nátıje 93-oryn (Qazaqstan boıynsha 1 oryn), bul ótken jylǵy kórsetkishten 2 orynǵa joǵary. Alǵash ret 3 pándik sala atap ótildi: Qazaqstan boıynsha 1-shi oryn alǵan «Fılosofıa» (Philosophy), «Qazirgi tilder» (Modern Languages) - Qazaqstan boıynsha 3 oryn, jáne «Óner jáne dızaın» (Art & Design) boıynsha Qazaqstanda 3 oryn. Aıta ketý kerek, olardyń alǵashqy ekeýi birden 101-150 pozısıalarynda, bul álemdik júzdikke kirýimizge tek «bir qadam» qalǵanyn kórsetedi. Úshinshi pán 201-240 orynda. Sonymen qatar, birneshe jyl qatarynan «Til bilimi» (Linguistics) óz ornyn saqtap qaldy - 201-240.
Osylaısha, reıtıńke engen 7 pánniń ishinde úzdik 100-ge «Bilim berý jáne oqytý» jáne «Aǵylshyn tili», úzdik 200-ge «Qazirgi tilder» jáne «Fılosofıa», úzdik 300-ge «Óner» jáne «Til bilimi», «Quqyqtaný», sonymen qatar keń sanattaǵy «Óner jáne gýmanıtarlyq ǵylymdar» top 400-ge kirdi.
Abaı atyndaǵy QazUPÝ-dyń jetistigi ǵylymı zertteýler sapasynyń jaqsarýynyń arqasynda múmkin bola aldy, al buǵan buryn reıtıńke engizilgen pánder boıynsha eseptelgen «Dáıeksóz kórsetkishi» jáne «Hırsh ındeksi» kórsetkishteriniń oń dınamıkasy dálel. Jańa pánderdiń baǵalanýy ǵylymı basylymdardyń shekti mánderden joǵary ósýi arqyly qol jetkizildi, al olardyń joǵary oryndary, basqalarmen qatar, ýnıversıtettiń akademıalyq bedeliniń ósýimen qamtamasyz etedi.
Aıta ketý kerek, ýnıversıtet bul reıtıńke 2021 jyly qatysa bastady jáne birneshe jyl ishinde reıtıńtik pánder sanyn 2-den 7-ge deıin arttyrdy. Ýnıversıtettiń pedagogıkalyq zertteý ýnıversıtetine aınalý kezeńindegi bul ilgerileý dınamıkasynda jahandyq akademıalyq qoǵamdastyqqa tabysty ıntegrasıalaýǵa, álemdik bilim berý keńistiginde Abai University ulttyq brendiniń bedeli men tanymynyń ósýine úles qosatyn oqý jáne ǵylymı-zertteý qyzmetiniń joǵary sapasynyń daýsyz dáleli.