Bul týraly COVID-19 taralýyna jol bermeý jónindegi VAK málimdedi
Qazaqstan men Reseı vaksına pasporttaryn ózara taný máselesi qarastyrylyp jatyr, dep habarlaıdy Almaty-akshamy.kz
Qazaqstan men Reseı Federasıasynyń Densaýlyq saqtaý mınıstrlikteri vaksınasıa pasporttaryn ózara taný algorıtmin kelisti.
Buǵan deıin Densaýlyq saqtaý mınıstrligi reseılik áriptesterimen birlesip vaksınasıa týraly qujattardy taný sharttary men tártibin, aqparattyq júıelerdiń tehnıkalyq múmkindikteri men jumysyn qarastyrǵan bolatyn.
Qazirgi ýaqytta COVID-19-dan vaksınasıalanǵan jáne aýyryp jazylǵan adamdar týraly málimetter almasý bóliginde aqparattyq júıelerdiń ıntegrasıasy júrip jatyr.
Osy másele boıynsha taraptar arasynda túbegeıli kelispeýshilikter joq.
Esterińizge salatyn jaıt, Reseı Federasıasymen vaksınalaý pasporttaryn ózara taný qajettiligi máselesi birneshe ret joǵary deńgeıde kóterilip, Densaýlyq saqtaý mınıstrligi ekijaqty tártipte, sondaı-aq TMD, EAEO alańdarynda talqylandy.