Elimizde Ulttyq ǵylymı onkologıalyq ortalyq ǵımaraty salynyp jatyr
Búgin Densaýlyq saqtaý mınıstri Ajar Ǵınıat Nur-Sultan qalasyndaǵy Ulttyq ǵylymı onkologıalyq ortalyq ǵımaratynyń salynyp jatqan ekinshi korpýsynyń nysanyn aralaý barysynda ınovasıalyq klınıkada jumys isteý úshin kadrlar daıarlaýdy qolǵa alýdy tapsyrdy, dep habarlaıdy Almaty-akshamy.kz BAQ.KZ-ke silteme jasap.
Densaýlyq saqtaý mınıstrliginiń basshysyna jelilik údetkishi bar proton ortalyǵy kórsetildi, onyń janynda medısınalyq palatalary bar ıadrolyq medısına bólimshesi uıymdastyrylady.
Budan ári vedomstvo basshysy 10 operasıalyq blok, reanımasıalyq, klınıkalyq-dıagnostıkalyq jáne onkogematologıalyq bólimshe ornalasqan úı-jaılardy qarap shyqty.
Sáýlelik terapıa bólimshesinde qurylys jumystary aıaqtalǵan soń jáne medısınalyq jabdyqtarmen jabdyqtalǵannan keıin olardyń jaı-kúıiniń dınamıkasyn únemi qadaǵalap otyratyn pasıentterge sáýlelik terapıanyń barlyq túrleri júrgiziletin bolady. Bul algorıtmdi ýaqtyly túzetýge jáne emdeýdiń tıimdiligin arttyrýǵa múmkindik beredi.
DSM basshysyna jańa korpýstyń qurylysy boıynsha Jol kartasyn iske asyrý barysy týraly baıandaldy, atap aıtqanda, QR Densaýlyq saqtaý vıse-mınıstri Jandos Búrkitbaev jobany iske asyrýdyń aıaqtalý jáne ony jabdyqtarmen qamtamasyz etý merzimderi týraly habarlady.
Qurylys ornyndaǵy keńes barysynda A.Ǵınıat "ortalyqty ustaý", onyń ishinde aýrýhanany kadrlarmen qamtamasyz etý, ásirese ıadrolyq fızıka, ıadrolyq qaýipsizdik sıaqty tapshy baǵyttar boıynsha máselelerdi sheshýge kirisýdi, olardy jedel túrde daıyndaýdy tapsyrdy.
Bul mańyzdy áleýmettik nysandy ásirese el halqy kútýde. Qazaqstanda jyl saıyn onkologıalyq aýrýlardyń 35 000-nan astam jańa jaǵdaıy anyqtalady, olardyń bir bóligine kesh satyda dıagnostıka jasalady. Qazaqstandyq pasıentter ózderiniń jaqyndarynyń janynda úzdik halyqaralyq praktıkaǵa sáıkes mamandandyrylǵan em ala alady, - dep atap ótti mınıstr.