QR Sý resýrstary jáne ırrıgasıa mınıstri Nurjan Nurjigitov Reseı sý resýrstary federaldy agenttiginiń basshysy Dmıtrıı Kırıllovpen telefon arqyly turaqty baılanysta. Taraptar gıdrotehnıkalyq nysandardyń apatsyz jumysyn qamtamasyz etý úshin eki eldiń shekaralas aımaqtaryndaǵy sý tasqyny jaǵdaıyn jiti baqylaýda ustap otyr.
Esterińizge sala keteıik, Reseı Federasıasynyń aýmaǵynda birqatar transshekaralyq ózender boıynsha sý tasqyny aǵynynyń qalyptasýyna baılanysty QR Sý resýrstary jáne ırrıgasıa mınıstrligi Rosgıdrometpen de táýlik boıy gıdrologıalyq derekter almasady.
Sondaı-aq, Orynbor jáne Saratov oblystarynyń sý qyzmetterimen turaqty aqparat almasýda.
«Reseılik áriptesterimizben sońǵy derekterdi almasqannan keıin elimizdegi sý qoımalarynyń sý aǵynyn dálirek retteýge múmkindigimiz bar, sondaı-aq ákimdikter men TJD-ny ýaqtyly habardar ete alamyz. Reseı Federasıasynyń sý resýrstary federaldy agenttigimen tyǵyz yntymaqtastyq tabıǵattyń tosyn minezine aldyn ala daıyndalýǵa múmkindik beredi»,- dedi QR Sý resýrstary jáne ırrıgasıa mınıstri Nurjan Nurjigitov.