Osy jyldyń bes aıynda Qazaqstan men Qytaı arasyndaǵy temir jol kóligimen tasymaldaý kólemi ótken jyldyń sáıkes kezeńimen salystyrǵanda 12% ulǵaıyp, 12,8 mln tonnany qurady.
Bul rette eksport 17%, ıaǵnı 8 mln tonnaǵa deıin ósti. Qazaqstanǵa temir jol arqyly 4,8 mln tonna júk ákelindi, bul kórsetkish 6% artty, dep habarlaıdy Almaty-akshamy.kz.
Osy jyldyń qańtar-mamyr aılary qorytyndysy boıynsha Altynkól – Qorǵas stansıalary arasynda júkterdi tasymaldaý ótken jylǵy deńgeıge qaraǵanda 7%, 5,3 mln tonnaǵa deıin ulǵaıdy. Dostyq stansıasy arqyly QHR-ǵa jáne keri baǵytta 7,4 mln tonna júk berilse, bul ótken jylǵy kórsetkishten 17% joǵary.