Elimizdiń sý aıdyndarynda shomylýǵa ruqsat etilgen 612 oryn bar, dep habarlaıdy almaty-akshamy.kz.
Sýǵa túsýge bolmaıtyny jáne tyıym salynǵany týraly 6,5 myńnan asa eskertý belgisi qoıylǵany jaıynda tótenshe jaǵdaılar mınıstrligi málimdedi dep jazdy 24kz. Shomylý maýsymy bastalǵaly qutqarýshylar 13 adamdy aman alyp qalǵan. Alaıda, birinshi onkúndiktiń ózinde sýdaǵy qaýipsizdik erejelerin saqtamaǵan 8 azamat opat bolǵan. Onyń tórteýi bala. Osyǵan baılanysty tótenshe jaǵdaılar mınıstri Shyńǵys Árinov baqylaý sharalaryn kúsheıtýdi jáne sý aıdyndarynda saǵat saıyn reıd júrgizýdi tapsyrdy. 20 myńnan astam patrúldeý men reıd nátıjesinde 525 adam ákimshilik jaýapkershilikke tartyldy. Mamandar turǵyndardy ruqsat etilgen qaýipsiz sý qoımalarynda ǵana demalýǵa, sondaı-aq qaýipsizdik erejelerin qatań saqtaýǵa shaqyrdy.
Eske sala ketsek, buǵan deıin Almatyda shomylýǵa arnalǵan oryndar jaıynda jazǵan bolatynbyz. Sonymen qatar, shomylýǵa qaýipti oryndardy da nazardan tys qaldyrmadyq.