Byltyr eki el arasynda saýda deńgeıi 34%-ǵa artqan.
Qazaqstannan Qytaıǵa eksporttalǵan negizgi taýar ishinde munaı men metal, al ımport boıynsha smartfon men kompúter bar, dep habarlaıdy Almaty-akshamy.kz Energyprom.kz-ke silteme jasap.
2022 jylǵy qańtar-jeltoqsanda Qazaqstan men Qytaı arasyndaǵy taýar aınalymy 24,1 mıllıard dollardy qurady, bul bir jyl burynǵydan 34,1%-ke artyq.
Qazaqstannan eksport bir jylda 34,7%-ke ósip, 13,2 mıllıard dollardy qurady. Qazaqstannyń Qytaıǵa eksportynyń úlesi eldiń jalpy taýar aınalymynyń 15,6%-in qurady.
Qytaıdan Qazaqstanǵa ımport bir jylda 33,5%-ke ósip, 11 mıllıard dollardy qurady. Respýblıkanyń ımport qurylymyndaǵy Qytaıdyń úlesi 21,9%-ti qurady.
Qazaqstannyń Qytaıǵa eksportynyń negizgi sanattarynyń ishinde shıki munaı men munaı ónimderi, tazartylǵan mys jáne mys qorytpalary, tabıǵı gaz birinshi orynda tur.
Sonymen qatar Qytaıdan Qazaqstanǵa ımporttalǵan negizgi taýarlar arasynda telefondar men smartfondar, sondaı-aq kompúterler, kıim-keshek, shınalar men avtokólik bólshekteri bar.