Taraptar tıisti qujatqa qol qoıdy.
Búgin Sıan qalasynda Memleket basshysynyń qatysýymen qazaq-qytaı ınvestısıalyq dóńgelek ústeli ótti.Investısıalyq jıynǵa Qytaıdyń eń iri kompanıa basshylary qatysty, dep habarlaıdy Almaty-akshamy.kz.
Qazaqstan.tv arnasynyń aqparatynsha, olardyń ónimin álem tanıdy. Memleket basshysy bıznesmenderge bizdiń eldiń ınvestısıalyq múmkindikterin aıtyp berdi. Negizgi 7 baǵytqa toqtaldy. Olar: energetıka, ónerkásip, elektrondy saýda, agroónerkásip, týrızm, qarjy salasy. Jıyn qorytyndysy boıynsha birqatar irgeli jobalardy birlesip júzege asyrýǵa kelisti.
Turǵysyn ózeninde ekinshi jáne úshinshi sý elektr stansasyn salý týraly kelisim jasaldy. Budan bólek, taraptar 1 gıgavatt qýat óndiretin jel elektr stansasyn salý týraly ýaǵdalasty. «Bul bastamalar Qazaqstandaǵy jasyl energetıkany damytýǵa tyń serpin beredi», - dedi Prezıdent. Sonymen qatar kóp uzamaı bizde mys qorytý zaýyty salynady. Kásiporyn iske qosylsa shıkizat eksporty azaıady. Osyny eskere otyryp, Prezıdent elde óndiriletin mys konsentratyn túgeldeı ózimiz óńdeımiz dedi. Sonymen qatar Qazaqstandaǵy qytaı avtokólikterin qurastyrý kólemi artady.
Saladaǵy yntymaqtastyqty jańa deńgeıge kóterý úshin de taraptar kelisim jasasty. Jalpy, Qasym-Jomart Toqaevtyń Qytaıǵa memlekettik sapary aıasynda quny 22 mıllıard dollar bolatyn 47 qujatqa qol qoıyldy.