Vızasyz rejım Qazaqstan men Qytaı arasyndaǵy qarym-qatynasty jańa deńgeıge kóteredi. Shanhaıǵa jumys sapary barysynda el Premer-Mınıstri Álıhan Smaıylov Qytaı Halyq Respýblıkasynyń Memlekettik keńesiniń Premeri Lı Sánmen kezdesý ótkizip, onda eki el arasyndaǵy saýda-ekonomıkalyq yntymaqtastyqtyń ózekti máseleleri talqylandy, dep habarlaıdy almaty-akshamy.kz qazaqstan.tv-ge silteme jasap.
Qytaı – Qazaqstannyń iri saýda seriktesteriniń biri. Máselen ótken jyly eki el arasynda taýar aınalymy 35 paıyzǵa artyp, rekordtyq 24,2 mlrd dollarǵa jetti. Bıyl da qarqyndy ósim jalǵasýda: ótken aılarda ózara saýda aınalymy taǵy 21 paıyzǵa ósti. Búginde Qazaqstan ekonomıkasyna tartylǵan ınvestısıa boıynsha Qytaı TOP–5 ınvestor qataryna kiredi. Sońǵy 18 jylda Qytaıdan tartylǵan ınvestısıalardyń jalpy kólemi 24 mlrd dollarǵa jetti.
Lı Sán, QHR memlekettik keńesiniń premeri:
Memleketterimizdiń basshylary qarym-qatynasymyzdy odan ári damytýdyń basym mindetteri men baǵyttaryn belgiledi. Biz qazaqstandyq áriptesterimizben osy joǵary deńgeıdegi kelisimderdi is júzinde júzege asyrý úshin kúsh-jiger jumsaýǵa daıynbyz. Mundaı yntymaqtastyq bizdiń halqymyzdyń ómir súrý deńgeıine oń áser etedi.