Jetisý aýdanynyń tártip saqshylary ótken demalys kúnderi bótenniń múlkin urlaý boıynsha eki qylmystyń betin ashty, dep habarlaıdy Almaty-akshamy.kz Polisia.kz-ke silteme jasap.
«Birinshi jaǵdaıda 33 jastaǵy áıel adam urlyq jasaýǵa bel býdy. Ol kafelerdiń birinde bóten bireýdiń aqshasy men zattary salynǵan sómkesin urlap ketken. Taǵy bir jaǵdaıda, 41 jastaǵy T.esimdi azamat saýda úıleriniń biriniń qoımasynan noýtbýkty urlaǵan. Eki jaǵdaıda da qylmys beınebaqylaý kameralaryna túsip qalǵan. Jedel-izdestirý sharalarynyń nátıjesinde kúdiktiler ustaldy. Olar óz isterin moıyndady. Aıtpaqshy, er adam buǵan deıin de osyǵan uqsas qylmystar jasaǵany úshin qylmystyq jaýapkershilikke tartylǵan. Tergeýshiler ustalǵandardyń basqa da yqtımal quqyq buzýshylyqtarǵa qatysy bar-joǵyn anyqtap jatyr», – dedi Jetisý aýdandyq polısıa basqarmasynyń bastyǵy Jánibek Shynasylov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.