Demek eki el jol salasyn damytýǵa baǵyttalǵan ǵylymı jobalardy birlese júrgizip, sala mamandaryn daıarlaıdy.
Qazaqstandyq jolshylar jumys saparymen Polshanyń Varshava men Krakov qalalaryna bardy. Delegasıa quramyna Qazaqstan jol ǵylymı-zertteý ınstıtýty (QazjolǴZI) men Qazaqstan Respýblıkasyndaǵy PIARC Ulttyq komıtetiniń ókilderi kirdi. Kezdesý joldar men kópirlerdi zertteý ınstıtýtynda (IBDIM) ótti, dep habarlaıdy Almaty-akshamy.kz Kólik mınıstrligine silteme jasap.
Polshadaǵy avtomobıl joldary men kópirlerdi ǵylymı-zertteý ınstıtýtynyń ókilderimen, sondaı-aq jergilikti jol kongresiniń prezıdenti Zbıgnev Kotlárekpen jáne tehnıkalyq dırektor Aleksandrý Skorýpskýmen kezdesý barysynda taraptar eki el arasyndaǵy yntymaqtastyqty nyǵaıtýdyń perspektıvalaryn talqylandy.
Kezdesý ǵylymı jobalardy júzege asyrý jáne normatıvtik bazany reformalaý salasyndaǵy tájirıbe almasý alańyna aınaldy. Joldardy salý ári kútip ustaýdaǵy ınovasıalyq tehnologıalarǵa erekshe nazar aýdaryldy. Kelissózder qorytyndysy boıynsha yntymaqtastyq týraly kelisimge qol qoıyldy.
Sonymen birge Krakov tehnologıalyq ýnıversıtetiniń rektory jáne profesor Andjeı Sharamen memorandýmǵa qol qoıyldy.
Bul kelisim zaman talabyna saı kúrdeli ınjenerlik jáne tehnologıalyq mindetterdi sheshýge qabiletti mamandardy daıarlaýǵa baǵyttalǵan. Ol ǵylymı qyzmetkerlerdi taǵylymdamadan ótkizýdiń jalpy baǵdarlamalaryn jáne avtomobıl joldaryn salý, paıdalaný jáne kútip ustaý salasynda tájirıbe almasýdy kózdeıdi.