Bul másele 19 jylǵa sozylǵan.
Bul shart kúshine ený úshin 100 raýndtan turatyn kelissóz júrgizilgen, dep habarlaıdy Almaty-akshamy.kz
Bul týraly Syrtqy ister mınıstrliginiń resmı ókili Aıbek Smadıarov aıtty.
«2023 jylǵy 4 shildede Qazaqstan-Ózbekstan memlekettik shekarasyn shegendeý týraly shart kúshine endi. Shartqa 2022 jylǵy 22 jeltoqsanda Tashkentte eki memlekettiń basshysy qol qoıdy. Osy sharttyń kúshine enýi Qazaqstan men Ózbekstan arasyndaǵy memlekettik shekarany halyqaralyq quqyqtyq shegendeýdiń 19 jyldyq prosesiniń tolyq aıaqtalýyn bildiredi», - dedi ol SİM-de ótken baspasóz máslıhatynda.
Onyń aıtýynsha, qos memlekettiń arasyndaǵy shart kúshine ený úshin 100 raýndtan turatyn kelissóz júrgizilgen.
«Uzyndyǵy 2 357 shaqyrym bolatyn shekara syzyǵy 1 301 shekaralyq belgimen belgilenip, kólemi 8 myń paraqtan asatyn shegendeý qujattary kórsetildy. Osy oqıǵa memlekettik shekara aýdanynda qaýipsizdik pen turaqtylyqty nyǵaıtýǵa, ekijaqty óńiraralyq jáne shekara mańyndaǵy ózara is-qımyldy tereńdetýge yqpal etedi», - dedi Aıbek Smadıarov.