3-5 naýryz aralyǵynda Tashkentte Ózbekstan Respýblıkasynyń sý únemdeıtin sýarý júıelerin damytý jáne engizý jónindegi tájirıbesin zerdeleý boıynsha trenıń ótýde.
İs-sharaǵa qazaqstandyq sý sharýashylyǵy salasynyń mamandary da qatysyp jatyr, dep habarlaıdy aqshamnews.kz.
QR Sý resýrstary jáne ırrıgasıa mınıstri Nurjan Nurjigitov pen Ózbekstannyń Sý sharýashylyǵy mınıstri Shavkat Hamraev qańtar aıynyń sońynda ótken ekijaqty sý yntymaqtastyǵyn tereńdetý jónindegi birlesken jumys tobynyń 12-shi otyrysynda atalǵan trenıńti ótkizý týraly kelisken bolatyn.
İs-shara aıasynda oqytý dáristeri, semınarlar, zamanaýı sý únemdeý tehnologıalar men sý únemdeý júıeleriniń elementterin jasaýmen aınalysatyn kásiporyndardyń jumysymen tanysý ótedi. Trenıńke qatysýshylar sý únemdeý tehnologıalarynyń tıimdiligin is júzinde júzinde baǵalaı alady.
«Biz óz mamandarymyzdyń biliktiligin arttyrý máselesi boıynsha ózge eldermen belsendi yntymaqtastyq ornattyq. Mysaly, bıyl qazaqstandyq 105 maman Qytaıda tájirıbe almasady. Budan bólek, 1000-ǵa jýyq maman qaıta daıarlaý jáne biliktilikti arttyrý kýrstarynan ótedi»,- dedi Ǵylym jáne ınovasıa departamentiniń dırektory Lázzat Júsipova.