Bıylǵy 11 aıdyń qorytyndysy boıynsha Ózbekstannyń Qazaqstanmen syrtqy saýda aınalymy 4 mlrd dollardan asty, dep habarlaıdy almaty-akshamy.kz.
Statısıka agenttiginiń málimetinshe, búginde Ózbekstan álemniń 193 elimen saýda-sattyq jasaıdy.
Osy jyldyń qańtar-qarasha aılary aralyǵynda Ózbekstannyń syrtqy saýda aınalymy 57,3 mlrd dollar boldy. Bul ótken jyldyń sáıkes kezeńimen salystyrǵanda 26,2%-ǵa kóp. Onyń ishinde eksport 23,2 mlrd dollar (ósim 30,6%), al ımport 34,1 mlrd dollardy (ósim 23,3%) qurady.
Eldiń basty saýda seriktesteri kóshin áli de Qytaı bastap tur. Eki el arasyndaǵy taýar aınalymy - 12, 2 mlrd dollar (jalpy kólemniń 21,3%).
Ekinshi orynǵa Reseı jaıǵasty. Ózbekstannyń bul memleketpen saýda-sattyǵy 8,8 mlrd dollarǵa (jalpy kólemniń 15,5 %) jetti.
Sonymen qatar eń kóp taýar aınalymy bolǵan elder úshtigin Qazaqstan túıindep tur. Iaǵnı, bizdiń elmen Ózbekstan arasyndaǵy saýda kólemi 4 mlrd dollardan (jalpy kólemniń 7%) asty.