Búgin QR Mádenıet jáne aqparat mınıstri Aıda Balaevanyń qatysýymen "Daryn" memlekettik jastar syılyǵyn berý jónindegi konkýrstyq komısıanyń qorytyndy otyrysy ótti.
"Daryn" syılyǵy 1992 jyldan bastap daryndy jastardy ǵylymı, shyǵarmashylyq jáne sporttaǵy joǵary jetistikteri úshin memlekettik qoldaý maqsatynda taǵaıyndalǵan. Ár jyldary túrli saladaǵy 320-dan astam azamat atalǵan syılyqty ıelengen bolatyn, dep habarlaıdy almaty-akshamy.kz. Bıyl memlekettik organdar men qoǵamdyq birlestikter 340-tan asa kandıdatty usyndy. Onyń ishinde 110 - "ǵylym", 21 - "Dızaın jáne beıneleý óneri", 27 - "Sport", 49 - "Teatr jáne kıno", 12 - "Estrada", 10 - "Jýrnalısıka", 28 - "Halyq shyǵarmashylyǵy", 32 - "Kreatıvti bastamalar", 28 - "Ádebıet", 30 - "Klasıkalyq mýzyka". Ótinimniń 9-y "Daryn" memlekettik jastar syılyǵyn berý jónindegi qaǵıdalardyń talaptaryna sáıkes kelmedi, dep habarlaıdy almaty-akshamy.kz.
Ótinimderdi irikteý boıynsha otyrystar 11-15 jeltoqsan aralyǵynda ótti. Komısıa quramyna túrli salalarda eleýli tabystarǵa qol jetkizgen 37 qazaqstandyq belgili tulǵalar kirdi.
"Úmitkerlerdiń jetistikteri men jumystary jan-jaqty saralandy. Árqaısysyna negizdelgen sheshim qabyldandy. 11 júldegerdiń óńirlerden kelgenine qýanyshtymyn. Bul jastar úshin úlken yntalandyrý. Ozyq oıly jastardyń laıyqty ókilderi áli de az emes. Biz qoǵamymyzdyń jáne tutastaı elimizdiń damýyna úles qosyp júrgenderdi qoldap, yntalandyrýymyz kerek", - dedi mınıstr.
Jeńimpazdarǵa "Daryn memlekettik jastar syılyǵynyń laýreaty" ataǵy jáne dıplom, tósbelgi men aqshalaı syılyq 22 jeltoqsanda ótetin saltanatty marapattaý rásiminde tabystalady. Bıyl syılyqty berý erejelerine túzetýler engizildi. Atap aıtqanda, qatysýshylar 35 jasqa deıin ulǵaıtylyp, "Qoǵamdyq qyzmet" nomınasıasy "Kreatıvti bastamalar" aýysty. Nomınasıa kreatıvti ındýstrıa salasyn damytýǵa memleket tarapynan erekshe nazar aýdarýǵa baılanysty ózgeriske tústi. Osy baǵytty yntalandyrý óńirlerdegi bastamalarǵa júıeli túrde nazar aýdarýǵa, túrli jobalardy anyqtaýǵa jáne olardy kótermeleýge, eń úzdik ıdeıalardy iske asyrýǵa múmkindik beredi. Kreatıvti bastamalarǵa aqparat, memleket pen azamattyq qoǵamnyń ózara is-qımyly, memlekettik jastar jáne otbasy saıasaty, qaıyrymdylyq, volonterlik qyzmet salalaryndaǵy jetistikter jatady.
«Ǵylym» nomınasıasy boıynsha: Kenjına Inesh Ergazyqyzy – «Q.I. Sátbaev atyndaǵy Qazaq ulttyq tehnıkalyq zertteý ýnıversıteti» KEAQ-nyń «Jalpy fızıka» kafedrasynyń zertteýshi-professory;
Ótepov Elbek Bahıtuly – «L.N. Gýmılev atyndaǵy Eýrazıa ulttyq ýnıversıteti» KEAQ - nyń «Qurylys» kafedrasynyń profesory.
«Estrada» nomınasıasy boıynsha: Abdyqalyqova Aızada Abdýahıtqyzy – Ulytaý oblysynyń mádenıet, tilderdi damytý jáne arhıv isi basqarmasynyń «Taıjan Qalmaǵambetov atyndaǵy Jezqazǵan fılarmonıasy» komýnaldyq memlekettik qazynalyq kásiporynyń ártisi;
Pazylaqyn Tolǵanaı Ulanqyzy – «Temirbek Júrgenov atyndaǵy Qazaq ulttyq óner akademıasy» RMQ-nyń «Estradalyq vokal» kafedrasynyń oqytýshysy.
«Klasıkalyq mýzyka» nomınasıasy boıynsha: Amanjolova Aıgerim Meńdibaıqyzy – Astana qalasy ákimdiginiń «Erkeǵalı Rahmadıev atyndaǵy Memlekettik kademıalyq fılarmonıa» MKQK-nyń «Klasıkalyq vokal» bóliminiń ártisi;
Alǵı Aqbıke Ǵalymqyzy – «Roza Baǵlanova atyndaǵy Qazaqkonsert» memlekettik konserttik uıymy» RMQK-niń Qazaq memlekettik sımfonıalyq orkestriniń ártisi.
«Halyq shyǵarmashylyǵy» nomınasıasy boıynsha: Doldashev Bolat Mahanbetulyn – «Atyraý oblysy Mádenıet jáne tilderdi damytý basqarmasynyń Dına Nurpeısova atyndaǵy Akademıalyq qazaq halyq aspaptar orkestri» KMQK-nyń bas dırıjeri jáne kórkemdik jetekshisi;
Ábdiberikuly Bekbolat – «Ahmet Jubanov atyndaǵy daryndy balalarǵa arnalǵan respýblıkalyq qazaq mamandandyrylǵan mýzyka mektep-ınternaty» MM-niń «Qazaq halyq aspaptary» orkestriniń jetekshisi.
«Dızaın jáne beıneleý óneri» nomınasıasy boıynsha: Kasánov Damır Rashıdovıch – Shymkent qalasy Bilim basqarmasynyń «Balalar shyǵarmashylyq mektebi» MKQM-niń «Kompozısıa» jáne «Sýret» qosymsha bilim berý pánderiniń muǵalimi;
Japarova Saltanat Amınqyzy – «Qazaqstan etnodızaınerler odaǵynyń» tóraıymy.
«Jýrnalısıka» nomınasıasy boıynsha: Bektas Aqerke Baǵdabekqyzy – «Qazaqstan» ulttyq telearnasy aqparattyq saraptamalyq baǵdarlamalar dıreksıasy jedel jáne saıası jobalar bólimi «Aqorda» baǵdarlamasynyń avtory-prodúseri.
«Kreatıvti bastamalar» nomınasıasy boıynsha: Qopabaev Ádilhan Amangeldiuly – Qazaqstan Respýblıkasynyń Otyn-energetıkalyq kesheniń Ahýaldyq-tańdamaly ortalyǵynyń basqarma tóraǵasy;
Qýatbaev Aıbek Nurlanuly – «Bugin Holding Corp» JSHS bas dırektory.
«Sport» nomınasıasy boıynsha: Aıtmuhan Rızabek Qanatuly – Ulttyq quramanyń sportshysy, eresekter arasyndaǵy Azıa chempıonatynda, jastar arasyndaǵy álem chempıonatynda kúmis medal ıegeri, erkin kúresten Álem chempıony;
Qulymbetova Jibek Alımhanqyzy – jıý-jıtsýdan jeti dúrkin álem chempıony jáne grepplıngten álem chempıony, sambodan álem chempıonatynyń qola júldegeri, kóptegen halyqaralyq jáne respýblıkalyq jarystardyń jeńimpazy, júldegeri.
«Ádebıet» nomınasıasy boıynsha: Hadyr Bahytbek – «Egemen Qazaqstan» gazetiniń tilshisi;
Jylqybaı Meıirjan Seıtjanuly – «QIT Enterprise» jaýapkershiligi shekteýli seriktestiktiń jobalar menedjeri.
«Teatr jáne kıno» nomınasıasy boıynsha: Ptyralıev Erkinbek Abaıbekuly – Qazaq ulttyq óner ýnıversıtetiniń «Operatorlyq óner, dybys rejıssýra jáne art menedjment» kafedrasynyń meńgerýshisi;
Býlatov Farhad Býlatovıch – «Astana Opera» Memlekettik opera jáne balet teatry» AQ-nyń ártisi.
Istochnık: https://24.kz/kz/zha-aly-tar/m-denie/item/631994-daryn-syjly-yny-zhe-impazdary-any-taldy
Qoldanylǵan materıaldarǵa mindetti túrde www.24.kz saıtyna gıpersilteme berilýi tıis