Qazaqstanda «Jibek joly» atty jańa temirjol týry iske qosylady.
«Almaty – Túrkistan – Tashkent – Almaty» baǵyty boıynsha alǵashqy reıs 2024 jyldyń 16 qarashasynda jolǵa shyǵady, dep habarlaıdy aqshamnews.kz Týrızm jáne sport mınıstrliágine silteme jasap.
Tórt kúnge halyqaralyq temirjol týry týrıserge ejelgi qalalardyń atmosferasyna enip, Uly Jibek jolynyń izimen saıahattaýǵa múmkindik beredi. Marshrýt Túrkistan men Tashkenttiń basty kórikti jerlerin qamtıdy. Týrıserge yńǵaıly bolý úshin týr baǵdarlamasynda gıd qyzmeti, tamaqtaný, kólik qyzmeti jáne kirý bıletteri qarastyrylǵan.
«Birlesken kúsh-jigerdiń nátıjesinde eki eldi baılanystyratyn erekshe temirjol týry iske qosylmaq. Atalǵan týr bizdiń azamattarymyz ben elderimizdiń mádenı baılyǵy men tarıhı murasyna qyzyǵýshylyq tanytatyn sheteldik týrıser úshin yńǵaıly ári qoljetimdi bolmaq. Bul Qazaqstan men Ózbekstan arasyndaǵy mádenı baılanystardy nyǵaıtý men týrızmdi damytýdaǵy mańyzdy qadam», – dep atap ótti QR Týrızm jáne sport vıse-mınıstri Erjan Erkinbaev.
Sondaı-aq saıahatshylar Ortalyq Azıa aýmaǵyndaǵy eń kóne qalalardyń biri – Otyrar qalasymen tanysa alady. Týr baǵdarlamasyna Arystan-baba kesenesine, «Áziret Sultan» tarıhı-mádenı qoryq-mýzeıine, Ortalyq Azıadaǵy óz kezeginde eń úlken «Kerýen-Saraı» týrısik keshenine barý kiredi. Tashkenttegi týr aıasynda qalanyń tarıhı nysandarymen ǵana emes, sonymen qatar zamanaýı damýymen de tanysýǵa bolady.
Halyqaralyq týrdy «Tau Komek Travel», «Turan Qazaqstan Trevel», «Grand Soluxe Travel Company», «SkyWay Travel», «Kompas», «KhanTuran Travel» kompanıalarymen birlesip «Jolaýshylar tasymaly» AQ iske asyrady. Al «Kazakh Tourism» UK» AQ marshrýttyń halyqaralyq deńgeıde nasıhattalýyna qoldaý kórsetedi.