Qazaqstan men Lúksembýrg áýe qatynasy jıiligin kóbeıtýge kelisti.
Bul týraly Lúksembýrg Uly Gersogtiginiń Syrtqy jáne eýropalyq ister jónindegi mınıstri Jan Asselborn Premer-Mınıstrdiń orynbasary – Syrtqy ister mınıstri Murat Nurtileýmen kelissózden keıin aıtty, dep habarlaıdy Almaty-akshamy.kz QazAqparatqa silteme jasap.
«Bizdiń ekijaqty qatynasymyz joǵary deńgeıde qalyptasyp otyr. Bul bizdiń kópjaqty formattaǵy yntymaqtastyǵymyzda da anyq baıqalady. Biz Qazaqstannyń naqty jan-jaqtylyqqa baǵyttalǵan syrtqy saıasatyn qurmetteımiz. Jáne de munyń álemdegi problemalardy sheshýdiń jalǵyz tásili ekenin túsinemiz», - dedi Jan Asselborn kelissózden keıingi brıfıńte.
Mártebeli meıman kelissóz barysynda ózara túsinistik týraly memorandýmǵa qol qoıylǵanyn atap ótti.
«Ulttyq kólik kompanıamyz – «KargoLúks» Qazaqstan arqyly Qytaıdan Lúksembýrgke júk jetkizetin bolady. Bul – Eýropadaǵy eń úlken ári jalǵyz kompanıa. Sondyqtan da biz reıs sanyn 7-den 12-ge deın arttyp, júk aınalymyn ulǵaıta alamyz. Munyń bári bir apta ishinde oryndalady», - dedi ol.