2024 jylǵy 9 qańtarda Qazaqstan Respýblıkasynyń Energetıka mınıstri Almasadam Sátqalıev pen Japonıanyń ekonomıka, saýda jáne ónerkásip mınıstri Ken Saıtomen energetıkalyq ótkelderdi ótkizý aıasyndaǵy tómenkómirtekti damytý jáne ózara is-qımyl salasyndaǵy yntymaqtastyq týraly memorandýmǵa qol qoıdy, dep habarlaıdy Almaty-akshamy.kz Energetıka mınıstrligine silteme jasap.
Qujat Parıj kelisiminiń maqsattaryna sáıkes keletin energıa resýrstary men tehnologıalaryn, sonyń ishinde energıany únemdeý jáne jańartylatyn energıa kózderin paıdalana otyryp, ózara yntymaqtastyqty nyǵaıtýǵa baǵyttalǵan.
Qazaqstan Respýblıkasynyń Energetıka mınıstri Qazaqstan men Japonıa ýran, munaı jáne gaz óndirý salasynda qazirdiń ózinde tabysty yntymaqtastyqqa qol jetkizgenin, sondaı-aq japondyq energetıkalyq tehnologıalary engizilip jatqanyn atap ótti.
Taraptar energetıka salasynda, onyń ishinde elektr energetıkasy jáne jańartylatyn energıa kózderi salasynda birlesip júzege asyrý úshin áleýetti jobalardyń tizbesin qalyptastyrý týraly kelisimge keldi. Sonyń biri – «Qazaqstan Respýblıkasyndaǵy akýmýlátorlyq energıany saqtaý júıesin paıdalanatyn 500 MVt jelenergetıkasy jobasy».
Qazirgi ýaqytta Qazaqstan Respýblıkasynyń Úkimeti ekonomıka salasyna ınvestısıa tartý úshin tartymdy jaǵdaılar jasaýǵa barlyq qajetti sharalardy qabyldaýda. Taraptar energetıka salasyndaǵy basym baǵyttar men turaqty damý maqsattaryn júzege asyrýdaǵy yntymaqtastyqty damytýǵa ýaǵdalasty.