Ótken jylmen salystyrǵanda 54,6%-ǵa ósken.
Qazaqstanǵa Grýzıadan ákelinetin mıneraldy sýlar men júzim sharaptarynyń kólemi ósken. Eki el arasyndaǵy taýar aınalymy 2022 jylǵy qańtar-aqpanda $13,1 mln qurady, bul ótken jyldyń uqsas kezeńimen salystyrǵanda 54,6%-ǵa joǵary ($8,4 mln), dep habarlaıdy Almaty-akshamy.kz.
Qazaqstandyq taýarlardyń eksporty 13,8%-ǵa tómendep, $6,1 mln qurady.
««QazTrade» kompanıasynyń derekterine sáıkes, qańtar-aqpanda Qazaqstan Grýzıaǵa mundaı taýarlaryn, munaı ónimderin jáne gazdardy eksporttaǵan joq. Alaıda, jalatylǵan bolattan jasalǵan jalpaq prokatty (ósim 9,6 ese $1,8 mln-ǵa deıin), feroqorytpalardy (ósim 3,1 ese $1,7 mln-ǵa deıin), bıdaıdy (58,6%-ǵa), koksty jáne jartylaı koksty jetkizýdiń ósýi baıqaldy. Qyryný quraldaryn, dezodoranttardy, vanaǵa arnalǵan quramdardy jetkizý 30,1 ese ósti (12,7 myńnan 381,9 myń dollarǵa deıin)», - delingen Saýda jáne ıntegrasıa mınıstrligi baspasóz qyzmetiniń habarlamasynda.
Feroqorytpalar, qara metaldardan jasalǵan metal konstrýksıalar jáne tas kómir de Qazaqstannan eksporttalatyn negizgi taýarlar bolyp tabylady.
2022 jylǵy qańtar-aqpanda Grýzıadan Qazaqstanǵa ımport 5 ese ósip, $7,0 mln qurady.
Bárinen de mıneraldy sýlardy (19,6 ese $4,3 mln-ǵa deıin ósti), tabıǵı júzim sharaptary (3,5 ese $1,3 mln-ǵa deıin ósti), mıneraldy jáne gazdalǵan sýlar, qant (5,9 ese $779,6 myń dollarǵa deıin ósti), kúshti spırtterdi jetkizý (65,9-dan 253,8 myń AQSH doll. deıin) ulǵaıdy.
Vaksınalar, qan sarysýy, qan (60,4% - 57,9 myń dollarǵa deıin), basqa tásilmen daıyndalǵan nemese konservilengen jemister, jańǵaqtar (45,7%-92,4 myń dollarǵa deıin) sıaqty taýarlardyń ımporty tómendedi.
2021 jyldyń qorytyndysy boıynsha, Qazaqstan men Grýzıa arasyndaǵy taýar aınalymy $88 mln., eksport $28,1 mln., ımport $59,9 mln qurady.