Qazaqstan men Germanıa uıymdasqan qylmysqa, terorızmge jáne qylmystyń basqa da qaýipti túrlerine qarsy kúrestegi yntymaqtastyq týraly kelisimge qol qoıdy
Qazaqstan men Germanıa uıymdasqan qylmysqa, terorızmge jáne qylmystyń basqa da qaýipti túrlerine qarsy kúrestegi yntymaqtastyq týraly kelisimge qol qoıdy, – dep habarlaıdy almaty-akshamy.kz Polisia.kz silteme jasap.
2021 jyldyń 13 qazan kúni Germanıa Federatıvtik Respýblıkasynyń Syrtqy ister mınıstrliginde Qazaqstan men Germanıa úkimetteri arasynda uıymdasqan qylmysqa, terorızmge jáne qylmystyń basqa da qaýipti túrlerine qarsy kúrestegi yntymaqtastyq týraly kelisimge qol qoıý rásimi ótti. Uıymdasqan qylmystyń, zańsyz kóshi-qonnyń, sondaı-aq, terorızmniń jáne qylmystyń basqa da qaýipti túrleriniń aldyn alý men kúresý salasyndaǵy yntymaqtastyqty damytýdy kózdeıtin qujatqa Qazaqstannyń Elshisi Dáýren Káripov jáne Germanıanyń Syrtqy ister mınıstrliginiń Memlekettik hatshysy Mıgel Berger qol qoıdy.
Kelisim eki eldiń úkimetterine esirtkiniń, psıhotroptyq zattardyń, sol tektester men prekýrsorlardyń zańsyz aınalymyna baılanysty qylmystarmen kúresý boıynsha málimetter almasýǵa jáne áreketterdi úılestirýge, sondaı-aq, qylmystyq uıymdardyń adamdardy shekaradan zańsyz ótkizý úshin jalǵan jáne jasandy qujattar qoldanýdy qysqartýǵa baǵyttalǵan birlesken tıimdi sharalardy qabyldaýǵa múmkindik beredi.