Qazaqstan Respýblıkasy Syrtqy ister mınıstriniń birinshi orynbasary Qaırat Omarov Dúnıejúzilik banktiń Qazaqstandaǵy Turaqty ókili Andreı Mıhnevpen kezdesti.
Kezdesýde Dúnıejúzilik banktiń Qazaqstandaǵy qyzmetiniń perspektıvalary, sondaı-aq yntymaqtastyqtyń basymdyqtary talqylandy, dep habarlaıdy Almaty-akshamy.kz.
Kezdesý barysynda taraptar Qazaqstanda ekonomıkanyń negizgi sektorlarynda birqatar ınvestısıalyq jobalardy iske asyrý perspektıvalaryna toqtaldy.
Q.Omarov Dúnıejúzilik bankpen aradaǵy tıimdi ári uzaq merzimdi yntymaqtastyqtyń oń qarqynyna, sondaı-aq banktiń Qazaqstannyń áleýmettik-ekonomıkalyq damýyna qosqan qundy úlesine nazar aýdardy. Ol ınklúzıvti jáne turaqty damýǵa qol jetkizý úshin Qazaqstanda asyrylyp jatqan reformalardy qoldaýǵa baǵyttalǵan banktiń elimizben is-qımyly jalǵasatynyna senim bildirdi.
Óz kezeginde, A.Mıhnev Dúnıejúzilik bank Qazaqstannyń mańyzdy seriktesi jáne 4 mıllıard AQSH dollarynan asatyn 10 jobany birlesip júzege asyrý boıynsha belsendi jumys istep jatqanyn atap ótti. Onyń aıtýynsha, Qazaqstan Respýblıkasynyń Prezıdenti Qasym-Jomart Toqaev jarıalaǵan reformalardy qoldaý maqsatynda birqatar jańa ınfraqurylymdyq jobalar ázirlenýde.
Jalpy, taraptar negizgi salalardaǵy yntymaqtastyqty tereńdetýge ózara múddelilik tanytty.