14 jeltoqsanda Aýyl sharýashylyǵy salasyndaǵy ekijaqty yntymaqtastyqtyń perspektıvalyq baǵyttaryn ázirleý jónindegi Qazaqstan-Belarýs birlesken jumys tobynyń tórtinshi otyrysy ótti.
Qazaqstan tarapynan teń tóraǵa retinde aýyl sharýashylyǵy vıse-mınıstri Ábilqaıyr Tamabek, Belarýs tarapynan aýyl sharýashylyǵy jáne azyq-túlik mınıstriniń orynbasary Ivan Smılgın sóz sóıledi, dep habarlaıdy almaty-akshamy.kz.
Ábilhaıyr Tamabek óz sózinde AÓK salasyndaǵy ózara is-qımyl eki el yntymaqtastyǵynyń basym baǵyttarynyń biri bolyp tabylatynyn atap ótti. 2023 jyldyń 9 aıynda Aýyl sharýashylyǵy ónimderiniń taýar aınalymy 173,9 mln dollardy qurady, biraq Belarýs taýarlarynyń ımporty qazaqstandyq taýarlardyń eksportynan áldeqaıda asyp tústi.
Sondyqtan Qazaqstan tarapy óz ónimderin Belarýs naryǵyna tıimdi jetkizýdi jolǵa qoıýǵa, sortty synaý jáne ósimdikterdi quqyqtyq qorǵaý salasyndaǵy yntymaqtastyqqa, agrarlyq ǵylym men bilim berý salasyndaǵy birlesken jumysqa múddeli.
Taraptar mal sharýashylyǵy salasynda, atap aıtqanda, sútti mal sharýashylyǵy salasyndaǵy yntymaqtastyqqa erekshe nazar aýdardy. Eki eldiń ókilderi Qazaqstan Respýblıkasynyń aýmaǵynda sút ónimderin óndirý keshenderin salý boıynsha birlesken jobalardy iske asyrýǵa daıyn ekendikterin jetkizdi.
Sondaı-aq Ábilqaıyr Tamabek 2024 jylǵa josparlanǵan aýyl sharýashylyǵy kórmeleriniń tizimin almasýdy usyndy. Ivan Smılgın óz tarapynan Qazaqstandy Belarýs agroónerkásiptik aptalyǵyna shaqyrdy, Aptalyq aıasynda «Belagro-2024» halyqaralyq aýyl sharýashylyǵy jáne azyq-túlik kórmesi ótedi. Sonymen qatar, eki el aýyl sharýashylyǵy salasynda birlesken ǵylymı-zertteý jumystaryn júrgizý, seleksıa jáne tuqym sharýashylyǵy salasyndaǵy yntymaqtastyqtyń múmkindikterin qarastyrdy.
"Búgin biz nátıjeli jáne mazmundy dıalog ótkizdik. Jumys tobynyń kezekti otyrysy bizdiń sizdermen AÓK salasyndaǵy ózara is-qımylymyzdyń turaqty ári nátıjeli ekenin aıqyndap berdi. Sizdermen yntymaqtastyqty odan ári damytý úshin zor áleýet bar den sanaımyn", - dedi Ábilqaıyr Tamabek.
Kezdesý sońynda Qazaqstan men Belarýs ókilderi otyrys hattamasyna qol qoıdy.