Atalmysh shara Áskerı yntymaqtastyq jospary negizinde uıymdastyrylǵan.
Almatydaǵy Qorǵanys mınıstrliginiń áskerı medısına ortalyǵynda Qazaqstan men AQSH qorǵanys vedomstvolary ókilderiniń kezdesýi ótti, dep habarlaıdy Almaty-akshamy.kz.
Eki jaq medısına qyzmet mamandaryn oqytý daıyndyǵynda sıfrlyq tehnologıalardy qoldaný máselelerin talqylady.
Atalmysh sharaǵa eki eldiń qorǵanys vedomstvolarynyń mamandary, sonyń ishinde áskerı medısına ortalyǵynyń, Radıoelektronıka jáne baılanys Áskerı-ınjenerlik ınstıtýtynyń, aqparattandyrý departamentiniń ókilderi qatysty.
Amerıkalyq mamandar áskerı medısına ortalyǵyndaǵy synyptardyń IT-jabdyqtarymen tanysty. Tájirıbe sabaqtarynda qazaqstandyq dárigerler urys alańynda alǵashqy medısınalyq kómek kórsetý, jaıaý áskerdiń jaýyngerlik kóliginen jaralanǵandardy shyǵarý, sodan soń olardy kóshirý mashyqtaryn kórsetti.
Reti kelgende AQSH Ulttyq gvardıasynyń kıbertransport tehnıgi Erık Djons elektrondy medısınalyq oqytý taqyrybynda onlaın túrde baıandama jasady. Ol qoljetimdi bilim berý platformalary men baǵdarlamalaryn paıdalaný arqyly tyńdaýshylardy qashyqtyqtan oqytýdy uıymdastyrý máselelerin jan-jaqty aıtty.
Aqparat almasý barysynda ortalyqty sıfrlyq jabdyqtaý, aqparattyq tehnologıalar aıasyndaǵy jobalardy ázirleý máseleleri de qozǵaldy.
Aıta ketsek, AQSH-tyń QR-daǵy Elshiliginiń qaýipsizdik salasyndaǵy áskerı yntymaqtastyq keńsesi eki eldiń qorǵanys vedomstvolary arasyndaǵy aqparat almasýdy Áskerı yntymaqtastyq jospary negizinde uıymdastyrdy.
