Qazaqstandyq mektepterde birneshe pándi biriktirý múmkindigi berildi. Bul týraly Ulttyq bilim akademıasynyń vıse-prezıdenti Rýslan Karatabanov málimdedi, dep habarlaıdy Aqshamnews.kz
Jańa reformaǵa sáıkes, mektepter hımıa, fızıka jáne bıologıany "jaratylystaný" pánine, álem tarıhy men quqyq negizderin "áleýmettik ǵylymdarǵa", algebra men geometrıany "matematıkaǵa" biriktire alady.
Alaıda bul ózgerister mindetti emes. Eger mektep basshylyǵy dástúrli oqý júıesin saqtaýdy qalasa, pánderdi burynǵy kúıinde qaldyrýyna bolady.
Bilim salasyndaǵy bul jańashyldyq oqýshylardyń júktemesin azaıtýǵa, bilim berý prosesin ońtaılandyrýǵa baǵyttalǵan. Dese de, mundaı ózgerister bilim sapasyna qalaı áser etetini ázirge belgisiz.