Elimizde ázirlengen jańa model mektepte tamaqtaný mádenıetin qalyptastyrýdyń kezeńdik is-sharalar keshenin qamtıdy.
Pılottyq joba Astana qalasynyń alty mektebinde júzege asyrylýda. Atalǵan model Oqý-aǵartý mınıstrliginiń bastamasymen Ulttyq salaýatty tamaqtaný ortalyǵymen birlesip quryldy, dep habarlaıdy Almaty-akshamy.kz.
Birinshi kezeńde mekteptegi tamaqtanýdy uıymdastyrýdy baǵalaý jáne taldaý maqsatynda balalardyń mektep asqanasyndaǵy minez-qulqynyń úlgilerin baıqap zertteý, antropometrıalyq kórsetkishterdi ólsheý (boıy, salmaǵy) jáne durys tamaqtaný qaǵıdattaryn bilýge saýalnama júrgiziledi.
Ekinshisinde - salaýatty ómir salty salasyndaǵy bilim men tájirıbeni baıytý úshin jetkizýshilerdi, mektep personalyn, oqýshylardy jáne olardyń ata-analaryn oqytý uıymdastyrylady.
Úshinshi kezeń balalardyń durys tamaqtanýyna jáne fızıologıalyq qajettilikterin esepke alýǵa basa nazar aýdara otyryp, oqýshylardyń tamaqtanýyn retteıtin normatıvtik-quqyqtyq qujattardy úılestirýdi bildiredi.
Tórtinshi kezeńde balalardyń densaýlyǵyn saqtaýǵa baǵyttalǵan mektepte tamaqtanýdyń jańa modelin ázirleý kózdelip otyr. Bul úderis densaýlyqty saqtaýǵa yqpal etetin bilim berý ortasyn qalyptastyrý maqsatynda úılestirilgen tásildi qamtamasyz etpek.
Sońǵy kezeń - engizilgen ózgeristerdiń monıtorıńi jáne tıimdiligin baǵalaý.
Aıta keteıik, buǵan deıin Mınıstrlik tamaqtanýdy uıymdastyrýdyń qaýipsiz jaǵdaılaryna áser etetin krıterıılerdi zerttegen bolatyn. Soǵan sáıkes Ulttyq dástúrlerge jáne óńirde óndiriletin otandyq ónimderdiń assortımentine sáıkes mázir ázirlendi.
Aǵymdaǵy jyldyń 1 qyrkúıeginen bastap alǵash ret 1,6 mln. astam oqýshy, onyń ishinde 1,4 mln. astam bastaýysh synyp oqýshylary jáne 220 myń HÁOT sanatyndaǵy 5-11 synyp oqýshylary tegin tamaqpen qamtyldy.