Qazaqstandyq mektepterde jańa sabaq paıda bolady, - dep habarlaıdy aqshamnews.kz QR Oqý-aǵartý mınıstrligine silteme jasap.
"Oqý baǵdarlamasyna býllıngke qarsy is-sharalardyń biri - "Qaýipsizdik sabaǵy" engizilip jatyr. Munyń barlyǵy otandyq bilimniń sapasyn arttyrýǵa, balalar úshin jaıly ári qaýipsiz orta qurýǵa baǵyttalǵan", - delingen vedomstvo habarlamasynda.
Vedomstvo málimetinshe, 87 myń qazaqstandyq oqýshy oqý jylyn jańa mektepterde qarsy alyp jatyr. Jalpy 2024-2025 oqý jyly 536 myń oqýshy ornyna arnalǵan 302 mektep paıdalanýǵa beriledi dep josparlanǵan.
Qyrkúıekten bastap mektepke deıingi uıymdarda ata-analarǵa arnalǵan 3,5 myń keńes berý pýnkti óz jumysyn bastaıdy. Kolejderde oqıtyn 300 myńnan astam stýdenttiń shákirtaqysy 50 paıyzǵa artqan. 1,7 mıllıon oqýshy mektepterde tegin tamaqtanýmen qamtylady.