Eki el arasynda baılanys nyǵaıa tústi.
Mozambıktiń astanasy Mapýtoda Qazaqstannyń alǵashqy qurmetti konsýldyǵy ashyldy, dep habarlaıdy aqshamnews.kz
QR-nyń Mozambıktegi qurmetti konsýly qyzmetin kásipker Dıno Mamýdo Foı atqaratyn boldy.
Saltanatty is-sharaǵa Qazaqstannyń Mozambıktegi elshisi Erkin Ahınjanov, isker toptar, dıplomatıalyq korpýs jáne BAQ ókilderi, Mozambıkte turatyn Qazaqstan azamattary qatysty.
Erkin Ahınjanov konsýldyqtyń ashylýy mańyzdy ekenin, qos el arasyndaǵy qarym-qatynas nyǵaıyp kele jatqanyn atap ótti.
«Qazaqstandyq dıplomat konsýldyq ınvestısıalyq jáne saýda-ekonomıkalyq yntymaqtastyqty tereńdetýdiń negizgi alańyna aınalatynyna, sondaı-aq Qazaqstan men Mozambık arasyndaǵy mádenı jáne gýmanıtarlyq baılanystardy nyǵaıtýǵa yqpal etetinine senim bildirdi», - dep jazylǵan SİM taratqan habarlamada.
Konsýl Dıno Mamýdo Foı Qazaqstan Úkimeti kórsetken senim úshin alǵys aıtyp, ekijaqty yntymaqtastyqty damytýǵa jáne Mozambıktegi Qazaqstan azamattarynyń quqyǵy men múddesin qorǵaýǵa daıyn ekenin málimdedi.